Dzeja bārnim / Koiru Kaiva

Mām, mām, redzi, redzi!?

Vardivis muorkā šudiņ doncoj i doncoj-
Jom – lelī svātki.

Mām, mām, skotīs!

As siežu i siežu muorka molā
I man nāapneik pietēt.

Mām, mām, voi tu zini deļ kam?

Vardivis muorkā šudiņ doncoj i doncoj-
Naz , kas juom spielej?

Mām, mām, klausīs, klausīs!

Pošys lākoj, i pošys dzīd-
Sovā vardivu mēlē…

..Es jau vēļ gulātu,
A sauleite jau kitinoj dagunu!
Ai, gribīs vēļ pagulēt…..

Bet žāļ nūgulēt tū breidi
Kod sauleite īpeļdēs myusu pogolmā
Uz zaļa un dzaltona pavasara pologa.

As zynu: visi byus prīceigi:
I sīnoži, i tauriņi,i kačeits..
I suneits…

Labi, vēl tik mozu, mozu strāčeiti
Guļteņā pazavuoļuošu…

I tod – kai skrīšu uorā
Pavasara sauleiti
Sagaidēt!!!

Žāļ gon tū strāčeiti nūgulēt…

Līpa myusu pogolmā
Pylna ar bitem.

Pylna, pylna.

TUOLI , TUOLI : zum, zum
Var sadzierdēt.
Zum, zum!
Tuoli, tuoli!

Lai tik struodoj bits,
Lai tik struodoj!
Lai vuoc madu. Lai vuoc madu!
Nu pučem, nu pučeitem

Zīmā garšeigs mads byus goldā.
A boltu maizi i pīnu.

Zum, zum, zum!

Paniemu raibu zeimuli,
I uzzeimieju pļovu

Paniemu dzaltonu zeimuli
I uzzeimieju cuoleiti mozeņu, mozeņu
Pūkainu, pūkainu.

Paniemu malnu zeimuli
Zeimeišu nakti.
Malnu, malnu, tymsu, tymsu.

Paniemu boltu zeimuli
Zeimiešu myusu sātu:
Vyss bolts, vyss, vyss bolts- i golds, i krāsls i pat krāsla kojis.

Ja kas praseis – Deļkam vyss bolts?
Atbiļdeišu- tei ir teiruokuo kruosa,
Tei ir lobuokuo kruosa.

A pi myusim sātā – tok vyss ir bolts un teirs!