Decembra “Latgalīšu Gazeta” roksta par LaLaDra
Kai kotru mienesi laikrokstā “Latgales Laiks” ir ari pīlykums latgalīšu volūdā. Itymā reizī par pasuokumu “LaLaDra” Daugavpiļs rajona Berkenelē 13.decembrī, kai ari puorpublicāts aproksts par naseņ nūtykušū diskuseji par latgalīšu volūdu Reigā Latvejis Zynuotņu akademejā.LaLaDra Berkenelē
Trešajā Adventa svātdinē Raiņa sātā Berkenelē nūtyka tradicionalais pasuokums “LaLaDra” ci “Latgalīts Latgalīšam Draugs”. Jau vairuokus godus piec kuortys latgalīši reikoj literari muzykalus pasuokumus ar taišni itaidu nūsaukumu.
Itymā reizē daleibu jēme Daugovpiļs nūvoda kulturys noma folklorys kūpa “Dyrbyni”, kas nūdzīduoja vairuokys dzīsmis poši i aicynuoja kūpeigi vysim izpiļdeit “Pi Dīveņa gari goldi”. Pasuokumā muzicēja ari grupa “Ze Laika Pareģotāji” nu Kruoslovys pusis, grupys “Dabasu Durovys” dalinīki i “mistiskuo” grupa. Sovys puordūmys, literarūs vāruojumus i idejis paude Jurs Viļums.
Kai īrosts LaLaDra pasuokumim – vyss nūtyka vīnkuoršā i syltā atmosferā, ar čaja baudeišonu, peirāgu iesšonu i vysaidom improvizacejom. Ituo goda jaunynuojums pasuokuma laikā beja Ingrīdys, Dagnejis i Artura pošu captuo cīši gorduo uobuļu maize i pica latgalīšu gaumē, kas tyka gotova jim saimnīkojūt tī pat muojeigajā Berkenelis kuknē. Visi pasuokuma dalinīki i gosti beja dyžan prīceigi par itaidim gordumim.
Paļdis par uzjimšonu Raiņa sātys Berkenelē saimineicai Inesei Bērziņai (kai pateiceiba jai tyka uzduovynuota gruomota “Valodas Austrumlatvijā: pētījuma dati un rezultāti”) i miļzeigs paļdis par uzajimšonu pasuokuma koordinatorei Annai Briškai.
