bez pītura zeimu
![](https://lpr.gov.lv/wp-content/uploads/2007/vysaidys/1750.jpg)
ir īzasuocs
pīneņpūku liduojums
iz syltajom zemem
nivīns napakoj sumkys
tikai
bez pīturys punktim
un apsastuošonuos sajiutys
sleid pa boltim
bolūžu izdoncuotim
skrejcelim
ir sajiuta
ka golā kaids gaideis
a ka nabyus nivīna
pīneņpūkys napuorstuos lidot
***
es napraseišu par vīntulim putynim
elektreibys stobi
ir rezerveiti
***
sikspuorni nadzīd
taurini doncoj bez pavadiejuma
putynim navajag nūšu
***
navajag
navajag
navajag
tikai cerēt
vajag
vajag
vajag
ari darēt
pošam
***
kod leist leits
zeme kliust teira teiruoka
kai tikkū radeita
a pārkiuns īvīš
leidzsvoru
starp
pozitivim i negativim
lādenim