Bārnīm jauna i šmuka dzejuļu gruomota

Ontons Slišāns tikkū ir izdevs jaunu dzejas kruojumu bārnīm “Rūtaļu Vydā”. Kruojumā ir saulaini dzejuļi bārnīm Latgalīšu, Latvīšu, Lītuvīšu i Zemaišu volūduos.

Gruomatas anotacejā sacāts: Ontons pagaidām ir vīnīgīs dzejnīks, kurs roksta dzejuļus bārnīm kuodā nūvoda volūdā, itumā gadejumā Latgalīšu volūdā.

Iz Lītuvīšu volūdu dzejuļus atdzejova Kristina Vaisvalavičiene.

Muoskslenīce – Rudīte Kaša.

Tuvuokejā laikā piec gruomatuom vaicojat vusuos lobuokejuos Latvejas gruomatnīcuos.