8 sūleiši lugas uzraksteišonai
Lugas uzraksteišonai varim saskaiteit ostoņus sūleišus:
1. Vajadzeibu raksteit lugu.
2. Īrūsynuojums.
3. Faktu savuokšona.
4. Lugas uzmatuma izplānuošona.
5. Lugas idejas, temas un pījāmuma formulēšona.
6. Scenareja uzraksteišona.
7. Lugas pyrmteksta uzmešona.
8. Lugas eksemplara saraksteišona.
Praktiskā dorbā itī sūli apsavīnoj.
Kotram autoram izaveidoj pošam sovs personeigs pajēmīņs, kai raksteit. Jo pajēmīņs var sasamaineit nu lugas uz lugu. Lugu juouzroksta autoram pošam. Bez raksteišonas nav lugas. Bez dorba pīredzes nikas nasarūn ni nu kuo. Deļ tuo – struoduosim.
Vajadzeiba raksteit lugu.
Voi autoram ir vajadzeiba raksteit lugu? Tys jam pošam joizškir. Voi autors gotovs raksteit lugu? Deļ kuo juoroksta taišni luga? Vīgluok byutu uzraksteit atminis, memuarus, stuostus voi romanu, sacereit dzejūļu kruojumu. Voi autoram ir kuo pasaceit? Jo na formā, vysmoz saturā? Vajadzeibai raksteit lugu juobyut akutai, intensivai, naatlīkamai. Bet luga juouzroksta darbeibuos, navys dialogā.
Voi autors pazeist dramu? Napīteik tik izlaseit kaidus teoretiskus apcerējumus par dramu, voi izmaļt kaidu dramas raksteišonai veļteitu rūkas gruomotu. (Latgaliski: “Skotuviskuos lugas pamati”)
Voi lugas raksteišona atbilst autora personeibai? Itū vaicojumu atbiļdeit var tikai raksteituojs pats. Cik pamateigi un daudz jaunais autors ir gribeigs pīstruodot lugu rokstūt. Lugu rakstnīkam juopazeist teatrs un literatura, vīnlaicigi jaunam autoram pošam juoizaškir voi jam ir naatlīkama vajadzeiba radeit lugu. Voi ir kū pasaceit? Kū jaunu, svaigu, nabejušu, svoreigu?
Īrūsynuojumi lugai.
Kas dūd īrūsynojumus lugai? Nūvāruotuos cylvāku eipašeibys, attīceibys. Dūma, ideja. Nūskaņa. Puordzeivuota izjyuta. Sadzeivis fakti. Darbeibas, situacejis, nūtykumi. Rituali, ceremonijas, izdareibys. Vyss ap myusim ir pylns vyaidu īrūsynuojumu. Vyss rūsynoj myusu iztieli. Tikai tys juoprūt redzēt, igaumeit un izmontuot. Vajadzeigs posa redziejums.
Faktu savuoksona.
Kod īsadaguse gryba, kod radeits īdeiglis, autoram kai muotei bārns juoiznosoj luga. Rakstnīks var apzineigi vuokt faktus, idejis, nūskanis. Zineigi vāruot, kai cylvāki izavad. Pietej na tikai uoreju pasauli, bet tikpat īkšeju. Vaicoj: kas līk cylvākim taišni tai uzavest? Daudzi nuokomī autori vad vīnkuoršis pīzeimes par vysu, kas ap jīm nūsarysynoj. Jī pīroksta it vysu kū jī losa voi dzierd.
Faktu savuokšona. Iztiele, raksturi un jūs attīceibys. Biografiski dati. Autors suoc ar kaidim vinkuoršim faktim, raksturim, biografiskim datim. Itī fakti var byut eisti, izdūmuoti voi radeiti iztielē. Te vajadzeiga faktu sejuošona.
Lugas uzmatums.
Kruojūt īspaidus un pīzeimis, autors roda lugai uzmatumu. Tys satur: nūsaukumu, darbeibu, vīneibys, formu (žanru un stilu), lugas nūtykumu, raksturus, sarežgējumus, lugas aprokstu (KAS nūuteik?), lugas plānu voi intrigu (KAI nūteik?), rodomuos dūmys, dialoga veidu, dorba planu.
Lugas ideja, tema, pijamums.
Kas byus lugas ideja, tuos tema, pījāmums. Itū vaicuojumu var atbiļdeit tikai tod, kod pīteikami materiala lugas uzmatumam. Uzmatums var satyreit ni ryndys dialoga.
Lugas scenarijs.
Tys satur lugas nūsaukumu, darbeibys apstuokļus, lugas pījāmumu, lugas plānu, lugas nūtykuma seceibu un pilneigu puorskotu par darbeibom lugas sastatnī pa skotim. Ari te nu dialoga var byut tikai nazkaidys pīzeimes voi pavysam eisi uzmatumi.
Pyrmteksts.
Tikai septeitaja sūlīi autors suoc nūsadorbuout ar lugas dialogu. Dialogs dreikst byut tikai kai dabeibys pagarynuojums. Autoram vajadzeigs vyspyrms pylns lugas nūsaukums, personas, kuras lugā dzeivuos, kūduleigs vides aproksts, lugas pijāmums, darbeibas vīneibu plāns. Tikai tod var suokt dūmuot par dialoga uraksteišonu un sakuortuošonu. Deļ tuo tys ir lugys pyrmteksts.
Lugas teksts.
Kod vysi īpriškejīi darbeni apdareiti, autors dreikst puorraksteit lugas tekstu. Ari tī ir zynomi nūsaciejumi, kaidam tekstam juoizaver.
Voi lugas uzraksteišonys gaitu var saeisynuot? Kod jius praksē īsapazynuši un puordzeivuojuši lugas radeišonas byuteibu, kotrs autors roda pats sovu metodi.
Kas nasamaina?
Naroksti dialogu, pyrms nav uzslīts lugas nūtykuma sastatnis.
Nu Beržgola dramaturga, nr, 1, p.3-4. (1992).