3rindeitis / Koiru Kaiva
***
Skrītīs ar vieji,
Nazabeit riska.
Pakreitūt- ceļtīs…
***
Lūgā zīd mieness,
jumtam pouri zīd zvaigznis.
Jyutūs- drūšeibā…
***
Tymsa apsastuoj.
Dzeiveiba prosamūst dzeivuot.
Bārzūs kuop gaisma.
***
Nagaisi nūrymst.
Dabasi ir otkol teiri.
Vyss suocās nu jauna.
***
Leits raud klusai
Suop eislaiceiba.
Bet zemei nasluopst…
***
Sirdspukstu putyni —
Vīneigais, kas man pīder.
Pat nepīderūt.
***
Starp “nui” un “nā”
Ziernekli saauž teiklus.
Pa vydam smūk dzeive…
***
Naapskaud gaismu —
Tymsa tepat aiz styura
Smej skorbus smīklus…
***
Caurvieja bits
Suopeigai sadzeļ mīru.
Pierstūs raud vāsums.
***
Uzzeimej vieji.
Sasukoj pļovai motus.
Parunoj ar sevi…