Zaļuos caturtdinis zinis
![](https://lpr.gov.lv/wp-content/uploads/2005/dezuratteli/79.jpg)
Vaļsts regionaluos atteisteibys agentura leidz 27. martam pījam projektus mierķdotaceju sajimšonai nu vaļsts budžeta. Ludzys piļsātys dūmis Atteisteibys i planuošonys nūdaļa sagatavuojuse 5.projektus, kuru kūpejuo summa puorsnīdz miljonu latu.
26. martā trejūs Rēzeknis Augstškolys Ideju vīsneicā Moskovys īlā 22. nūtiks jaunys RA struktūrvīneibys – Juridiskū konsultaceju centra – atkluošona. Juridiskū konsultaceju centra mierkis ir aktivizēt i pilnveiduot juridiskuos teoretiskuos i praktiskuos dūmys veiduošonūs, snīgt juridiskuos konsultacejis moznūdrūšynuotom i tryuceigom personom gon Rēzeknē, gon vysā Latgolā, nūdrūšynuot RA studejūšim praktiskū īmaņu i prasmju atteisteibu.
Rēzeknē turpynojūtīs vierīneiguo projekta „Ūdenssaimniecības attīstība Rēzeknē” realizācija leidz 1. majam SIA „Rēzeknes ūdens” veic klientu vīdūkļu aptauju par pīduovuotajim pakolpuojumim. Bolstūtīs iz sajimtajom atsauksmem i nūvieliejumim, uzjāmuma vadeiba i darbinīki nūsaceis prioritatis i izstruoduos pauokumus, ka vajadzeigi pakolpuojumu kvalitatis i sadarbeibys nūsacejumu paaugstynuošonai
Šudiņ, Zaļajā caturtdinē, Bolvu nūvoda muzejā nūtiks Leldiņu īskanis pasuokums bārnim “Lieldienu olas smaids”. Pasuokuma gaitā planuota tikšonuos ar Bolvu pilsātā pazeistamu muokslineici i karikaturisti Gaļinu Gruziņu, kurei bārnim vuiceis i paleidzēs zeimēt sejenis iz leidzpajimtajom, kruosuotom ci boltom vuoreitom Leldiņu ūlom.