Valsts pasuokumi latgalīšu rokstu volūdys saglobuošonai, aizsardzeibai i atteisteibai nav planveideigi
Izpyldūt Ministru prezidenta 2007.goda 20.juļa rezoluceju, Izgleiteibys i zynuotnis ministreja sadarbeibā ar cytom valsts institucejom izveidova dorba grupu, kab varātum Ministru prezidentam sagataveit informaceju par izstruoduotajim prīšklykumim latgalīšu volūdys saglobuošonai, aizsardzeibai i atteisteibai.Iz dorba grupys 26.oktobra siedi tyka paaicynuots ari bīdreibys “Latgolys Studentu centrs” puorstuovs. Atguodynuosim, ka taišni piec Latgolys Studentu centra iniciativys tyka aktualiziets vaicuojums par latgalīšu rokstu volūdys stuovūkli valstī.
Dorba grupa nūlēme, ka ir vajadzeiba nūskaidruot valsts volūdys politikys eistynuošonā īsaisteitūs instituceju kompetencē asūšū informaceju par veiktajim i planuotajim pasuokumim laikā nu 2004.–2010.godam latgalīšu rokstu volūdys saglobuošonai, aizsardzeibai i atteisteibai, kai ari nūskaidruot ekspertu vīdūkļus i aicynuot sabīdriskuos organizacejis īsnīgt prīkšlykumus.
Aicynojam raksteit sovus komentarus par itū dokumentu i īsaceit prīkšlykumus, syutūt iz e-postu: lakuga@latgale.lv
