“Trokys lītys, trokys lītys…”
Šudiņ iz īlys izpaleidzieju trejom meitinem. Gribē nūzapotograpeit taidā i taidā sevteikamā pozā pi pavacuokys apsis. Nui, Latvejā tok vysi modeļi, i komentaru veicieji. Rozastuošys, a spylgtajā saulē digitalīs „zīpinīka” ekrans nasaradzams. Deļ tam suoku juom skaidruot deļkam tys mozīs ekraneņeņš styureitī aparatam ir vajadzeigs. Juos nūvylka – Āāā – i pascē Paļdis. Labi,ka tai. Gon jau piedejīs zvons cauri i niule juom sagaidami gola eksameni, i vyss puorejīs. Lai atlaiž maņ Rēznis īdzeivuotuoji, tok pasuokums Piedejīs zvons, ite maņ atguodynoj bazneicys proceseju. Tryukst tik mozu meitiņu, kas kaiseitu pučeitis. Vysi ar školu karūgim īt i apsastuoj apleik Muorai, nūzaklausa vysaidys gudrys runys, nūlīk pučis, i otkon šmuki, kai biļdē, pa obom pusem losuos prūm. Vokorā atpyutys vītai Relax ir vairuok apmaklatuoju, i nu reita sietnīkim vairuok dorba. Ar kolegom ķicinēm, ka vajag ari taidu raidiejumu, kai „KAS nūteik Rēzeknī?”. Da byutu labi par kotru piļsātu :D.
Vāluok tod jau radzams byus, kur jau kurīs acačoknēs. Reigā, ar austuokū izgleiteibu parašnā dorbā i ar mierki – viņ Reigā. Kurš tepat Latgolā, ci Īrejā. Vaļdeibys veiri spyrojās i soka, ka bārnu vāga vairuok. Ak, jau. Myusem juonūdrūšynoj dorba spāks ateisteituokuos vaļstīs. Kotrom sovs omots. Kuram šmuki bļausteitīs, kuram dareit. Vīneigi Dīveņš, runuo i darē. Kotram sova jodze.
Draugi soka – kai tu vari tai dzeivuot, bez teļvīzera, ka naasi informeits par aktualū? Nu maņ pīteik ar datoru. Tok otkon – ja nav daslāgta škārsteikla, kaida jāga nu tuo datora? Maņ to naškeistuo izmantuošonys pīteik dorba laikā. Otkon švaki:D. Ruodīs, a deļkam to vāga? Pavārojit kaidu cylvāku nu molys, siežūt ilguoku laiku škārsteiklā…viņ dzeiva mīsa i sausys acss;). Ar niulinejū situaceju, kaida ir valstī…..lobuok mozuok zynuot i vīgļuok dzeivuot. Īlein kaidā ziņu lopā….i nazyni, kai reģēt. Nikuo loba. Tok medejim kaids princips? Loba ziņa – švaka ziņa! Nazkai vīnu frāzi izšpļuove dzeraunis sābris -„ A, vot tai i dzeivojom…..sovs pīneņš sova galeite….” as veļ dalyktu – „ i, kai lai nadzer!”:D. Tok jis cīš dzēra i nui jis dzer cytā pasaulī. Pozitivisms saryukst. I, nava breinums, ka kulturys ci dajebkaidi pasuokumi nateik apmaklāti.
Naseņ beju iz 2,5 dīnu atpyutu pi Rāznys azara. Te ar breinumeņi! Beja mozuok par pusi nu carātajīm. As šokā – cylvāki ir cik slinki! Nā nu tys, ka slinki, ta skaidrys. Tok Tev, Maseit, vysu danas kluot – cyti atrūn breivū laiku, lai uzraksteitu kaidu projektu/planu, daboj vītu i naktsvītu, pierti…..a tovs celulita čūksts palīk pi tuo poša TV ci meilajā divanā…oi,je!
Pateik maņ dzierdāta reklama – „Gribi maineit pasauli? Suoc ar sevi!” Ja tik tū, kai gauduot iz tū, ka vyss švaki, nikas jau nazamaineis!
Deļtuo –
Turitēs da beidzamuo!