Subatē omotīrteātru saīts “Spēlēsim kopā!”

Sastdiņ, 2008.gods 7.junī Daugovpiļs rajona Subatē nūtyka omotīrteātru saīts „Spēlējam kopā!”, kur beja vareiba nūsavērt kūpā 12 izruodis, nu kurom trejis latgaliski, kai ari braukt ar zyrgu tramvaju, pīsadaleit puorvierteibu ustobys aktivitatēs voi radūšajā darbneicā. A vokorā varē dzierdēt skaistuokuos, lusteiguokuos dzīsmis nu omotīrteātru izruodem i tod ari izadoncuot saīta balā.

IZRUOŽU PROGRAMMA:
Sv.Jura luteraņu bazneicys duorzā plkst. 12.30 Daugavpils Tautas teātris „Iskateļ” (režisors J.Losevs) – K.Romanovs „Царь Иудейский”.
Subatis Kuļturys nomā plkst. 14.00 Rogovkys dramatiskais kolektivs (režisore M.Miščenko) -M.Miščenko „Kārdynuojums”, plkst. 15.30 Bebrenes KN omotīrteātris (režisore R.Kļaviņa) – A.Vanags „Izvēlīgā sieva”, plkst. 16.30 Neicgalis pogosta omotīrteātris (režisore V.Zvingule) – V.Zvingule „Tādi mēs esam”.
Subatis pamatskūlys zālē plkst.14.00 Tilžys KN dramatiskais kolektivs (režisors A.Ločmelis) – E.Vulfs „Spogulis”, plkst.15.00 Leiksnys pogosta KN omotīrteātris (režisore L.Gadzāne) – A.Banka „Visi radi kopā” (fragments), plkst.16.00 Aknīstes omotīrteātris (režisore V.Papaurele) – skeči „Pie ārsta”, „Vilcienā”, „Kukerigū!”, plkst.17.30 – Vabalis pogosta omotīrteātris (režisore A.Pabērza) – E.Kalvāne „Rupucs zam deča”.
Subatis Mīra noma duorzā plkst.15.00 Baļtinovys pogosta dramatiskais kolektivs „Palādas” (režisore A.Ločmele) – Danskovīte „Ontons i Anne”.
Pi Subatis muzeja ākys – plkst.15.00 Dvītis KN omotīrteātris (režisore R.Stapkeviča) – vīncielīns piec A.Vilka lugys „Blusa” motīvim, plkst.16.30 Daugovpiļs rajona padūmis TIKC Kuļturys noma teātra trupa „Trešais variants” (režisore I.Uškāne) – 1.cielīņs nu R.Blaumaņa lugys „No saldenās pudeles”.
Bejušajā puortikys veikalā Nr.38, Tirgus laukumā 15, plkst.18.30 Roķišķu (Lītova) Tautys teātris (režisors J.Buziliauskas) – P.P.Širvio „Velnioniškai vienas”.

Storp izruodem i tūs laikā paraleli nūteik cytys aktivitatis. Nu plkst.13:15 da 14:00 nu Sv.Jura luterāņu bazneicys brauc zyrgu tramvajs. No plkst.13:30 da 16:00 uobeļduorzā pi Subatis pamatskūlys radūša darbneica bārnim un jaunīšim. Taipoš ari saīta dalinīkim un gostim vareiba atkluot sev jaunu izskotu, apmeklejūt Puorvierteibu ustobu Subatis muzejā nu plkst.14:30 da 16:30.

Omotīrteātru saīta laikā itūgod pyrmū reizi svātku guojīņs ar moto „Zaļais virziens!” plkst.20:00 nu Subatis tierga laukuma da estrādis. Guojīnī jem daleibu vysi saīta dalinīki, subatīši i gosti, eimūt ci braucūt dobai draudzeigā veidā.

Saīta nūslāgumā Subatis estrādē omotīrteātru izruožu dzīsmu koncerts „Zaļo gaismu amatierteātru kustībai!” plkst. 20:30, a piečuok tīpat bals kūpā ar Treis veirim laivā.

Omotīrteātru saīts „Spēlējam kopā” Daugovpiļs rajonā izaveidovs par nūzeimeigu tradiceju, puļcejūt gon Latvejis, gon Lītovys teātru trupys jau ostoitū reizi. Saīta mierki ir saglobuot, atteisteit un pylnveiduot omotīrteātru kusteibys tradiceju, popularizēt omotīrteātru darbeibu. „Spēlējam kopā!” nūteik reizi divejūs godus. Īprīšk saīti ir bejuši Dvītis, Bebrenis, Vabalis, Leiksnys pogostūs, i jau trešū reizi piec kuortys nūtiks Subatē, pasasokūt ituos piļsietenis dūmis aktivai leidzdarbeibai, interesei i atbolstam pasuocīņa reikuošonā i nūtikšonā.

Saītu reikoj Daugovpiļs rajona padūmis TIKC sadarbeibā ar Subatis piļsātys dūmi i ar Naujenis pogosta atbolstu.

Veļ informacejai: Inta Uškāne, Daugovpiļs rajona Kulturys noma direktore, teātra trupys „Trešais variants” režisore.
Tālr. 65431867, mob. 26763573, E-pasts: rkn@tikc.lv,
Sātys puslopa: www.tikc.lv