Ryndu vairs nav

Iz Latvejis i Krīvejis rūbežys sastū dīnu piec kuortys nagaida nivīna kravys automašyna. Rūbežu kravys automašinys bez problemom var škārsuot gon Terehovā, gon Grebņevā. Garuokuo rynda da šam iz Latvejis i Krīvejis rūbežys beja izaveiduojuse 24 decembrī, kod ryndā gaideja kūpumā 2220 transportleidzekli.

Šudiņ Augstuokuos tīsys Cyvyllītu palāta plānoj skateit SIA ”Latgolys energeja” i AS ”Rēzeknis syltumteikli” īsnīgtuos blokussiudzeibys par Latgolys opgoboltīsys 17.oktobra lāmumu atceļt 2007.goda 21.septembra praseibys nūdrūšinuojumu, ar kū apkīluota SIA ”Latgolys energeja” pīderūšuo kustamuo monta i skaidruos naudys leidzekli.
“Vītejā laikrokstā publiceitīs Rēzeknis dūmis apgolvuojums, ka riekini tiks atblokeiti 3.janvarī, ir puorsteidzeigs, taču uzjāmums iz tū, prūtams, cer ”, saceāja SIA ”Latgolys enerģeja” vaļdis lūceklis Intars Bērziņš.

Leivuonūs, Latgolys muokslys i omotnīceibys centra izstuožu zalā itū sastdiņ nūzasliegsīs izstuode ”Svečturs Latgolys keramikā”. Kūpumā beja izstuodeiti gondreiž 30 svečturi. Izstuodeitūs dorbu daudzveideiba atsatīc gon iz materiala apstruodis tehnikys pajiemīnim, gon – stilistiskom eipatneibom. Izstuodē pīzadaliejās keramiki nu Davgavpiļs i Rēzeknis rajona, kai ari nu Aulejis Ilmārs Vecelis, nu Alūksnis Uģis Puzulis i nu Lielvārdes – Aiga Dātava.