Rēzeknē atkluoj jaunu strukturvīneibu, Bolvūs myurej pamatakmini
Šudiņ Riezeknis augstškolas (RA) Ideju gostneicā plkst.15 nūtiks jaunas RA strukturvīneibas – Juridiskū konsultaciju centra – atkluošona. Juridiskū konsultaceju centra mierķi i aizdevumi ir aktiviziet i pilnveiduot juridiskuos teoretiskuos i praktiskuos dūmas veidūšonūs, snīgt juridiskuos konsultacejas moznūdrūšinuotom i tryuceigom personom gon Riezeknē, gon vysā Latgolā, kai arī nūdrūšinuot RA studiejūšajim praktiskū īmaņu i prasmju atteisteibu.
Šudiņ plkst.14 Bolvūs, Breiveibas īlā 57/59b, svineigai tiks īmyurāts pylsātas autoūstas i tierdznīceibas centra kuorma pamatakmins. Bolvu autoūstas rekonstrukceja i tierdznīceibas centra izveide suokta febrarī. Autoūsta rūbežūsīs gon ar lelpuordūtuvi “Elvi” i tuo bistro, gon saimnīceibas i ryupnīceibas preču puordūtuvem. Objekts byus divejūs stuovūs. Kūpejuo plateiba – 3960 kvadratmetri.
Valsts golvenū autoceļu atteisteibai da 2013.godam planuots izlītuot 153,5 miljonus latu. Tū paredz vakar Ministru kabinetā apstyprynuotī nūteikumi, kas nūsoka kuorteibu, kaidā teik eistenuota Eiropas Komisejas programmas “Infrastruktūra un pakalpojumi” aktivitate “TEN-T” autoceļa tīkla uzlabojumi”. Izmantojūt Kohezejas Fonda leidzekļus, vīns nu projektim varātum byut autoceļa Ludza-Terehova byuve. Ituo projekta attīcinomuos izmoksas ir kaidi 95,6 miljoni latu.