Projektu pīteikumus pījem Lauku atbosta dīnestā
Lauku atbolsta dīnesta regionaluos lauksaimnīceibys puorvaļdis šudiņ, 14.janvarī, suok pījimt lauksaimnīku projektu dasacejumus 2007.-2013. goda lauku atteisteibys programmys pasuokuma “Lauku saimnīceibu modernizaceja” ūtrajai kuortai. Projekta pīsacejumu pījimšona turpynuosīs vīnu mienesi i beigsīs 14. febralī.SIA „Jākubpils syltums” īsnīdzs izskateišonai i lyudzs Jākubpils Sabīdriskū pakalpuojumu regulatoru apstyprynuot leluoku syltumenergejis tarifu. Saleidzynojūt ar niule spākā asūšū, tarifa pīaugums apriekinuots videjai par 18,8%. I tys byus maineigs atkareibā nu mazuta cenom pasauļa tiergā.
Vakar Dagdas KN zalā nūtyka Dagdys televizejis Jaunuo goda koncerts, kurā pīsadalejuos Rikovys etnografiskais teatris ar izruodi “Večerinka”, Daugavpiļs rajona padūmis kulturys noma folklorys kūpa “Dyrbyny”, jaunais latgalīšu dzīduotuojs Weron Martin, Dagdas nūvoda stuostnīki i.c.
Ludzys rajona Pušmucovā 27.janvarī nūtiks tradicionālais folklorys kūpu saīts “Suprātka Pušmucovā”. Paradzāts, ka pasuokumā pīsadaleis 12 Ludzys rajona folklorys kūpys, kuruos uzastuos ar repertuaru, kas gotovuots Dzīsmu i dzigu svātku skatei pārnuo goda oktobrī. Ludzys rajona folklorys kūpu saīts pyrmūreiz nūtyka Istrā, pyrma četrim godim itū tradīceju īdybynuo Borovys etnogrāfiskais ansamblis.
Iz Latvejis i Krīvejis rūbežys nav kravu automašiņu ryndu. Vakar Terehovys rūbežkontrolis punktā izbraukšonu nu vaļsts gaideja 25 kravys automašinis, tūmār pa nakti tuos vysys jau ir rūbežū šķārsuojušys.
