Policejis gūda līta

Policeja īt pa pādom Jākubpiļa uzjiemieja Gata Aišpura slepkovom, tai vakar intervejā Latvejis Televīzejis raidejumam “100.pants” nūruodie Vaļsts policejis prīkšnīks Aldis Lieljuksis. Jis uzsvēre, ka Jākubpils policeja itū lītu viertej kai sova prestiža, gūda lītu i ryupeigai struodoj, kab atkluotu nūzīgumu. Vakar ituos lītys virzeiba puorrunuota ar Jākubpils policejis vadeibu i slepkovom policeja “īt pa pādom”, nūruodie policejis prīkšnīks.

Vierīneigajā Latgaolys kontrobandys līta, kuramā aizturātys 26 personys, kriminālvojuošonys uzsuokšonai tiks nūsyuteita piec 2-2,5 mienešim, lītā aizturātū skaits leidz minātajam laikam varātum pīaugt, jū lykumsorgi turpynoj operatīvūs pasuokumus. Latgolys kontrobandys lītā aizturātū vydā iz Zylupis mērs Oļegs Agafonovs, Austrumlatgalis Muitys kontrolis punktu dalis prīkšnīka vītnīks Andrejs Grebežs, muitnīki, rūbežsorgi, policisti i arī privātpersonys.

Šudiņ nu plkst.9 leidz 15 Naturalizācejis puorvaļdis Ludzys filiālē nūtiks informācejis dīna dzeivuotuojim, kurys laikā tiks stuosteits par pilsūneibys dabuošonys procesu. Ludzys piļsātys i rajona dzeivuotuoji varēs uzzynuot par pilsūneibys dabuošonai vajadzeigajim dokumentim, kai arī īpasazeit ar latvīšu volūdis prasmis, Latvejis viesturis i Satversmis zynuošonu puorbaudejumu praseibom.