Ontonam Slišānam Delfu bolva

Šudiņ 18:00 stuņdēs Reigā, Esplanadē pi Raiņa pīminekļa, kur nacik seņ sovus dzejūļus skaitēja LgSC organizeituos vokora stygys daleibnīki, nūtiks Dzejis dīnu bolvys pasnīgšona originaldzejai i atdzejai.

Pavysam itymā godā bolvai ir pīsaceitys 17 originaldzejis gruomotys, tymā skaitā Ontona Slišāna kruojums “Salve Regina”. Pi pīminekļa tiks nūsaukti lobuokī, kū nūsacejuse žureja.
Tok vīnu bolvu O. Slišāns ir īgivs – tei ir portala “Delfi” skaiteituoju atzineiba.
Kūpā bolsuots 586 reizis, nu jūs 175 par Ontona Slišāna kruojumu “Salve Regina” i 42 reizis par Ontona Slišāna, Aleksandrys Vilnis, Annelis Slišānis, Ilmara Vananurma, Pītera Gleizdāna kruojumu “Kotram”.