Naatceļ SIA “Latgales enerģija”sovumim nūsaceitū apkeiluojumu
Reigas apgoboltīsa vakar nūraideja lyugumu atcelt lāmumu par AS “Rēzeknes siltumtīkli” praseibas nūdrūšynuošonu, ar kurū apkeiluota SIA “Latgales enerģija” kustamuo monta i nauda par vaira nakai 880 000 latu. Itū tīsas lāmumu desmit dīnu laikā varams puorsyudzeit Augstuokajā tīsā. Jau ziņuots, ka Latgolys apgoboltīsa “Latgales enerģijas” sovumus apkeilova piec AS “Rēzeknes siltumtīkli” praseibas.Izgleiteibas i zinuotnis ministre Tatjana Koķe šudiņ paraksteis leigumus ar Izgleiteibas i zinuotnis ministrejas padūteibā asūšū augstškolu rektorim par valsts budžeta finanseitū studeju vītu skaitu itamā godā. Leigumi par kūpeigū summu – vaira nakai 60 miljonim latu – tiks paraksteiti ar 11 Latvejis augstuokuos izgleiteibas īstuodem.
Gulbenis rajona Litenes pogosta “Kaudzītēs” šudiņ plkst.11 paradzāts svineigai atkluot Malīnas reģionalū atkrytumu poligonu. Malīnas reģionalā poligona pasyuteituojas ir pīcas pošvaldeibas – Gulbenis, Alyuksnis, Bolvu, Cesvainis i Lubanys -, kas kūpā nūdybinovušas SIA “Alba 5”.Poligonā izbyuvāta kruotuve, kuramā varies nūglabuot atkrytumus vysmoz tyvuokūs 20 godus, tū byus varams vajadzeibas gadejumā arī paplašinuot. Poligonā izbyuvāts atkrytumu šķirūšonas angars, izstuodeita atkrytumu šķirūšonas lineja i presiešonas īkuorta.
