Ministrs gastej Latgolā, a Reigā Saeimas deputats izīs nu cītuma
Eipašu aizdavumu ministrs Eiropas Savīneibas finanšu puorvaldis lītuos Normunds Broks dasadaleis Latgolas planuošonys regiona atteisteibys padūmis siedē Bolvūs. Beidzas breiveibas atjemšonas struopis izcīšonas termiņš par 9.Saeimas vieliešonu rezultatu viltuošonu apsyudzātajam i Matīsa cītumā īslūdzeitajam 9.Saeimas deputatam Juram Boldānam.Laikā nu plkst.9 da 12 Boldāns tiks izlaists nu cītuma. Tīsa jam par 9.Saeimas vieliešonu rezultatu viltuošonu Bolvu rajona Kubulu pogostā pīmārova realu breiveibas atjemšonu iz ostonim mienešim, taču itys sprīdums tyka puorsyudzāts apelacejas kuorteibā. Piečuok Augstuokuos tīsas Kriminallītu tīsu palata 13.martā deputata breiveibas atjemšonas struopi samazinova da pusei goda.
Šudiņ eipašu aizdavumu ministrs Eiropas Savīneibas finanšu puorvaldis lītuos Normunds Broks dasadaleis Latgolas planuošonys regiona atteisteibys padūmis uorkuortys siedē Bolvūs, kuramā tiks apsprīsti vairuoki aktuali vaicuojumi par Eiropas Savīneibys strukturfondu 2007.-2013.goda planuošonas periodu.
Šudiņ plkst.17 Daugavpilī, Krīvu nomā, tiks atkluota unikala beidzamuo godu symta suokuma kruosainūs fotografeju izstuode. Fotografeju autors ir pasaulē atzeitais krīvu kruosu fotografejas meistars i zinuotnīks Sergejs Prokudins-Gorskis. Fotografejuos attālūta Krīveja 1905.-1915.godā. Da myuslaikam sazaglobuojuš kaidas 2000 fotografeju. Daugavpilī byus apsaverami 70 dorbi.
Pīktdiņ, 11.aprīlī, Riezeknis augstškolā (RA) nūtiks Informacejas dīna, kuramā vidusškolāni i cyti interesenti varies iegyut interesiejušū informaceju par studeju iespiejuom itamā augstuokuos izgleiteibas īstuodē. Potencialī RA Pedagoģejas, Humanitarū i juridiskū zinuotņu, Inženīru i Ekonomikas fakultašu studenti tiks īpazeistinuoti ar 40 studeju programmom, studeju īspiejom kaidā nu 65 augstuokuos izgleiteibas īstuodem uorzemēs studentu apmaiņis programmuos, studejūšū pošpuorvolžu dorbu i aktualitatem, kai ari īspiejom dasadaleit uorpusstudeju studentu aktivitatēs.
