Meiluo mameņ, lyudzu, runoj ar mani latgaliski!

Meiluo mameņ, lyudzu, runoj ar mani latgaliski!
Dzieržu par atbiļdi nu mīseigys muotis:
Bērniņ, tā
Tev
dzīvot būs vieglāk…

Aju da tāva i prosu piec paleiga,
A tāvs, kuorteigs saimis golva, tik pībolsoj:
Mīļo zaķīt, mammai vienmēr taisnība.

Žāļ, ka vairs nav ni dzeda, ni babys,
Kam padūma pavaicuot,
Kuo vuordus mp3 formatā īraksteit.
Nu navaru saprast, deļ kam jūs bārni,
Muni dzymdynuotuoji obi,
Sovā vydā vys pa čiuliskam vursulej.

Prīster, nūskaiteisim par jīm puoterus!
Piedot, latviskiem pātariem plašāks tirgus…

Tod školuotuojam pīprosu:
Munu dzymtū volūdu pavuic!
Grybu latgaliski raksteit –
Nagrybu par apsmīklu byut
Sovu bārnu i unuku acīs!
Nevaru – tāds īsts
musu tautas attīstības plānā
Tu neesi ierakstīts…

Mam,
nu, lyudzu,
vysmoz Tu
Parunoj ar mani latgaliski!