Manis te nav!
Grupa Borowa Mc pīduovoj sovu jaunuokū singlu: Manis te nav! Dzīsmi var nūsaklauseit ari draugiem.lv Muzykys sadalī, dzierdēt radeju stacejuos kai ari īsaguoduot www.doremi.lv i www.boms.lv!“Manis te nav” ir eistuo dzīsme vysim tim, kam ituo goda zīmys palākumā pateik spēlēt paslēpis! “Na tik daudz slēptīs nu cytim, kai pošim nu sevs – izdūmuotūs stuostūs, nūtykumūs, kurus gribīs saceit par eistym. Pādejā laikā mali skaņ puoruok bīžai i puoruok daudzi. Žāļ, ka cylvāki maloj ari poši sev!”, tai soka Aigars, “Dzeive teišom ir par eisu, kab laiku tārātu maluošonai!”
„Manis te nav” ir grupys Borowa Mc pyrmīs singls piec ūtruo albuma, kū puiši nūdūd plašākai sabiedrībai. „Jaunu albumu veļ naplanojom, bet ir izraksteitys vairuokys interesantys dzīsmis, kū ar laiku paruodeisam ari plašuokai publikai. Vysam sovs laiks!” tai Ingars.
Itū dzīsmu akustiskā versejā byus īspieja dzierdēt vysim tim, kas apmekleis pasuokumus Reserved veikalos – 14. febralī plkst. 17.00 t/c DOMINA i 19.00 t/p ALFA.
