Lītovā izveiduota Žemaišu partija

Lītovā izveiduota Žemaišu partija, kura gryb panuokt, kab dzimšonys aplīceibuos byutu īspieja īraksteit tauteibu “žemaitis”, kab žemaišu izlūksne tyktu atzeita par volūdu i kab Žemaitijas regions tyktu apstyprynuots kai oficiala administrativi teritoriala vīneiba, atsasokūt nu asūšajim apriņkim. Tymā pošā laikā partijas dybynuošonys iniciatori uzstuoj, ka nikaidā gadīnī nagryb graut Lītovys teritorialū vīnuoteibu.

Žemaitija ir vīns nu Lītovys etnografiskajim regionim, kas rūbežojās ar Kurzemi i Zemgali.

Par Žemaišu partijas dybynuošonu sanuoksmē balsova gondreiž 600 cilvāki. Lai tei tyktu registrāta Tīslītu ministrejā, dybynuotuojim juopīruoda, ka jūs iniciativu ar sovim parokstim atbolsta vysmoz 1000 cylvāki, partijas veiduošonys iniciatori skaita, ka faktiskais atbaļsteituoju iz vaira par 1100.

Žemaišu partijas lideri gotovi pīsadaleit ari rudinī paradzātajuos Seima vieliešonuos. Komentietuoji skeptiski viertej tuos īspiejis īkliut Seimā, tod partijai juodaboj vysmoz 5% Lītovys vielietuoju atbolsts.

Runojūt par žemaišu izlūksni, partejis puorstuovi atzeimej, ka tai juoīgiust volūdys statuss. “Niu tak leluokuo daļa īriedņu Žemaitijā sovā vydā sazarunoj žemaitiski i leidz ar tū puorkuopn Valsts volūdys lykumu, kas reglamentej lītovīšu volūdys lītuošonu. Mes itū situaceju grybam lobuot”.

Olūts: LETA i www.delfi.lv/news/world/baltics/article.php?id=20790355