Lems par Rēzeknis i Ludzys rajonu padūmis budžeta 2008. godam apstyprynuošonu

Šudiņ Rēzeknis i Ludzys rajonu padūmis sēdēs plānuots apstyprynuot pošvaļdeibys budžetu 2008. godam. Rēzeknis rajona padūmis pamatbudžeta ījāmumus 2008. godam plānuots nūsaceit 9 789 744 latu apmāra, sovukuort speciāluo budžeta ījāmums – 2 104 445 latu apmārā. Sēdis dorba kuorteibā īkļauti arī vaicuojumi par mierķdotāceju sadali rajona izgleiteibys īstuodem 2008.budžeta godā i citi vaicuojumi. Ludzys rajona padūmis sēdis dorba kuorteibā, naskaitūt pošvaļdeibys budžeta 2008. godam apstyprynuošonu, īkļauti arī vaicuojumi pat Latgalis televīzejis sabīdreibys kapitāldaļu nūraksteišunu i citi.

Saleidzynojūt ar 2007. godu itūgod Balvu rajona budžeta ījāmumus plānuots palelynuot par 25%, leluokū budžeta ījāmuma daļu veidoj mierķdotācejis pedagogu dorba samoksai i sociāluos apdrūšynuošonys obligātajom īmoksom jeb par 51% nu pamatbudžeta ījāmumim.

Šudiņ i reit Daugavpils Universitātē nūtiks starptautiska zynuotniskuo konference “XVIII Zinātniskie lasījumi”. Zynuotniskajā konferencē dorbuosīs sešys grupys: Baltu volūdys: sinhronija i diahronija; Slāvu valūdys: volūda, viesture i kultūra; Vuocu volūda kā mysdīnu lingvistikys pietnīceibys objekts; Angļu volūdys kontrastīvais i sociolingvistiskais aspekts; Viesture: ovūti i cylvāki; Personvuords literatūrā i kultūrā.

Vairuokkuortejā kukuļu pījimšonā apsyudzātajai Daugavpils Zemisgruomotu nūdaļis prīkšneicai Valdai Strodei Latgalis apgoboltīsa pīsprīdus naudys struopi četrdesmit minimālū mienešolgu apmārā, 6400 latus, i montys konfiskāceju. Prokurors Strodei beja pīprasejs pīmāruot treis godu cītumstruopi ar montys konfiskāceju.

Nu 1. marta Jākubpilī moksa par patārātū syltumenerģeju tiks aprieķinuota piec jaunuo – maineiguo tarifa, kas byus atkareigs nu gāzis cenys, kas sovukuort byus atkareiga nu mazuta kotācejis biržā. SIA “Jēkabpils siltums” jaunais syltumtarifs svuorsteisīs nu 31,52 leidz 38,08 latim par megavatstuņdi. Da šam moksa par vīnu megavatstuņdi beja 29,43 lati.

Videofilmu “Preiļi-80” veiduos vītejuo videooperatora Jāņa Zarāna vadeituo firma “Sižets”. Firma “Sižets” bie vīneiguo, kas dasasacie Preiļu nūvoda dūmis izsludynuotajam konkursam par videofilmys izveidi.Leidz 10. juļam īcarāts izveiduot divejis videofilmys – vīnu 40 leidz 50 minūtis garu filmu ar intervejom, ituo laika, piļsātys i cylvāku atspūguļuojumu, ūtru – apmāram 8 leidz 12 minūtis garu reklamys rulleiti, kas kolpuotu kai Preiļu reprezentejūšs materiāls. Leigumcena – leidz 2500 latim.