Lems par aizdavuma jemšonu Preiļu nūvoda infrastrukturas sakuortūšonai
Šudiņ Preiļu nūvoda dūmis siedē pluonots viertīs vaicuojumu par aizdavuma jemšanu Preiļu nūvoda infrastrukturas sakuortūšonai.
Šudiņ Preiļu nūvoda dūmis siedē pluonots viertīs vaicuojumu par aizdavuma jemšanu Preiļu nūvoda infrastrukturas sakuortūšonai. Deputāti lems ari par dūmis 2007.goda pamatbudžeta i specialuo budžeta izpildis apstiprinuošonu, dūmis īstuožu – Preiļu 1.pamatškolas, Preiļu 2.vidsškolas, Preiļu Valsts ģimnazejas, Preiļu muzikas i muokslas školas, kulturas centra, Preiļu Golvenuos bibliotekas i nūvoda dūmis 2007. goda puorskotu apstiprinuošonu i cytim vaicuojumim.
Šudiņ plkst.11 Daugavpils dūmis konferenču zālī suoksīs konference “Daugavpils 2008: ekonomiskās un sociālās attīstības perspektīvas”. Konferencis daleibnīkim byus īspieja nūzaklauseit izastuošonuos par Latvejas, Latgolas i Daugavpils ekonomiskajom i socialajom problemom i tī varamajim risynuojumim, kai ari dasadaleit diskusejā.
Riezeknis pylsātys dūme nu šudiņes da 23. majam pylsātā izsludinoj Spūdreibas periodu. Pylsātas organizaceju, uzņiemumu i īstuožu darbinīki, kai ari vysi cyti pylsātnīki aicinuoti veikt pīgulušū teritoreju sakūpšonas dorbus i savuoktūs atkrytumus izvest iz pylsātā izvītūtajim konteinerim.
Pavosora sakūpšonas periodā pylsātā tiks izstuodeiti vairuoki atkrytumu konteineri septeņu kubikmetru ītilpeibā.
Latvejas Pediatru asociaceja sadarbeibā ar Latvejas Bārnu muosu apvīneibu šudiņ plkst.14 Daugavpils rajona padūmis konferenču zālī organizej konferenci “Aktualitātes pediatrijā”, kuramā Latvejas Pediatru-gastro enterologu asociacejas prezidente Ieva Eglīte runuos par bārnu da vīna goda vacumam alerģejom pret gūvs pīna ūlboltumvīlom, par multiplu puortikas ūlboltumvīlu alerģeju uorstiešonu i sprīs par diagnostiku gastro enterologa redzīņī.
Šudiņ Riezeknis augstškolā (RA) Inženīru dīnu gaitā nūtiks studentu zinuotniskuo konference “Cilvēks. Vide. Tehnoloģijas”. Tei jau byus 12.Inženīru fakultatis studentu konference, i itūgod tei velteita RA 15 godu jubilejai.Konferencē daleibu dasacejuši RA i Daugavpils Universitatis studenti, kurī prezenties pietejumus divejuos sekcejuos: vidis aizsardzeibas i informacejas tehnoloģeju.
Šudiņ Latgolas kulturviesturis muzeja lektoreja zālī plkst.15 interesenti aicinuoti iz keramiķa Aivara Ušpeļa i glaznūtuojis Vēsmas Ušpeles dorbu izstuodis “Sarkans un melns” atkluošonu. Da 26.apreļam Riezeknis rajonā turpinuos tradicionaluos Latgolas pūdnīku dīnas ar cepļu dadzinuošonu i izstuodem.
