Lelbritanejis viestnīks Ričards Mūns apsavērs bārnu teatri

Šudiņ, 15.janvarī, 13.00 stuņdēs, J.Raiņa Davgapiļs 6.vydusskūlā nūtiks, peic Ērika Ādamsona puorsokys motīvim, īstudātuos dzejis puorsokys “Čigonmeitāns Ringla” izruode. Izruodē pīzadaleis gon skūlāni, gon Davgavpils teātra aktīri. Izruode “Čigonmeitāns Ringla” īstudāta Lelbritanejis viestnīceibys atbalsteitā skūlu projektu konkursa “Kūpā/Together” gaitā. Īzarastīs iz izruodi plānuojs arī Lelbritanejis viestnīks Latvejā Ričards Mūns.

Īrūcs, kas izmontuots Jākubpils uzjiemieja Gata Aišpura slepkaveibā, sovulaik pyrma apmāram 15 godim registrāts Aizsardzeibys ministrejā. Bet piec īrūča reģistrācejis laika beigom tys propuļs kūpā ar kaidu cylvāku, kurais, naatdūdūt īrūci, izsludynuots mekliešonā kai vaļsts poruodnīks. Da šam pistūle cytu nūzīgumu pastruoduošonā nav izmontuota.

Jākubpils vyspuorizgleitojūšū skūlu pirmklasnīki nu vakardīnys da vuiceibu goda beigom sajims breivpušdinis. Tai nūlieme Jākubpils dūme. Prīšksādātuojs Leonīds Salcevičs saceja, ka par itaidu lāmumu asūt runuots jau godu īprīšk, taču nāasūt bejs politiskuos gribys tū eistynuot.

2008.godā planavuots suokt Rēzeknis iudiņssaimnīceibys atteisteibys projekta 2.kuortu. Rēzeknis dūmis leidzfinansiejums tai ir 2,1 miljons latu. Pošvaldeiba pīļuove īspieju, ka 2.kuortai paradzātais leidzfinansiejums šūgod varātu natikt izlītuots pilneibā. Savukuort Rēzeknis pilsātys gazifikacejis 2.kuortai, izveidojūt dobysgāzis infrastrukturu da kotlu muojai Meža īlā 1, Rēzeknē pošvaldeiba tērēs 260 000 latus.