Latgolys Radejis zinis (8.septembris)

Šudiņ Vaļsts asinsdonoru centra (VADC) Latgolys filialē Rēzeknē reikoj ašņa zīduošonys akceju “Zīdoj sovai pylsātai!”, tai informej VADC Latgolys filiālis sabīdriskūs attīceibu specialiste Maruta Krustāne. Akceja turoynoojās arī šudiņ (8.septembrī) nu 8 leidz 15 VADS Latgolys filiālis telpuos Rēzeknē, 18. novembra īlā 41a.

12. septembrī Preiļu rajona rūžupē nūtiks ikgadejī Leivuonu nūvoda izgleiteibys darbinīku sporta svātki, informej Leivuonu nūvoda dūmis sabīdriskūs attīceibu specialiste Ginta Kraukle. Veikleibu byus īspiejams paruodeit vysdažaiduokajūs sporta veidūs: oklajā volejbolā, šautreņu ci lidojūšuo škeiveiša svīsšonā, vadeituoju divcīņā, zvaigžņu svīdīņūs, tuolliekšonā nu vītys atmuguriski, ūlu karūs, muokslys vingruošonā i cytūs.

Mobilitātis nedelis laikā 18. septembrī nu 11 stuņdem Leivuonu inženertehnologiju i inovaceju centrā ikvīnam byus īspieja bez moksys kuortuot ritiņa vadeituoja eksamenu. Itū īspieju pīduovoj Leivuonu pošvaļdeiba sadarbeibā ar Ceļu satiksmis drūšeibys direkceju.

Nu 2009. goda janvara leidz febraļam Rēzeknē Izstuožu nomā planavuots reikuot Latgolys akvarelista Juoņa Undas pīmiņai veļteitu akvareļu izstuodi i konferenci, informej Latvejis Muokslys akademejis Latgolys filialis vadeituoja vītneica Daina Sproģe. Izstuodē ar 2007. ci 2008. godā topušim dorbim aicynuoti pīsadaleit aktīvai struodojūšī Latgolys akvarelisti.