Latgolys Radejis zinis (6.10.2008.)
Šūgod Rēzeknis rajona Sakstagola, Griškānu, Čornajas pyrmsškolys izgleiteibys īstuodēs i Tiskādu vydsškolā attaiseitys četrys jaunys pyrmsškolys izgleiteibys grupys, informej Laura Ieviņa, Rēzeknis rajona padūmis sabīdriskūs attīceibu specialiste. Rēzeknis rajonā faktiski nav problemu ar vītom pyrmsškolys izgleiteibys īstuodēs, lai gon statistikys dati līcynoj par tū, ka kūpejais bārnu skaits ryndā ir 25, tī ir bārni, kurim nav pīguojs atbylstūšais vacums.Paguojušajā dīnnaktī sasaglobuojuš garys kravys automašynu ryndys iz Latvejis i Krīvejis rūbežys. Terehovys rūbežkontrolis punktā izbraukšonu nu vaļsts itūreit gaidie 1000 kravys automašynu, kas ir par 100 automašynom mozuok nakai svātdinis reitā, sovukuotr Grebņevys rūbežkontrolis punktā izbraukšon nu Latvejis šūreit gaidie 340 transportleidzekli, kas ir par 70 kravys mašynom vairuok nakai vakar.
Šudiņ Rēzeknē Vaļsts ašņa donoru centra Latgolys filiale reikoj donoru dīnu Rēzeknis Augstškolā, informej augstškolys sabīdriskūs attīceibu nūdaļa. Ašņa donoru dīna nu 11 leidz 14 teik reikuota RA Ekonomikys fakultatis zalā.
Pyrmudiņ, 6. oktobrī, Daugavpilī divuos stuņdēs, kinoteātrī “Renesanse”, tiks atkluota ceļojūšuo potograpeju i prīkšmetu izstuode “Drūšeiba i kuorteiba – Latvejai 90”. Izstuodē apkūpuotuos līceibys par guņsdziesieju, policejis, rūbežsardzis i Pilsūneibys i migracejis lītu puorvaļdis atteisteibu Latvejis vaļsts pastuoviešonys 90 godūs.
