Latgolys Radejis zinis (6.05.2008.)

Itūnedeļ Leivuonu nūvoda dūme puorīs iz vosorys dorba režīmu, kas leidz 31. augustam paredz pagarynuot dorba laiku pyrmudinēs i caturtdinēs, bet pīktdinēs planuots saeisynuotais dorba laiks. Leivuonu nūvoda dūmē dorba laiks vosorā teik maineits jau vairuokus godus, divejis dīnys nedeļā dzeivuotuojus pījamūt iļguok, bet pīktdinēs struodojūt saeisynuotu dīnu.

Pošlaik sekmeigai turpynojās SIA “Rēzeknes ūdens” projekta “Ūdenssaimniecības un kanalizācijas attīstība Rēzeknē” realizaceja, jaunuos nūtakiudiņu atteireišonys īkuortys planuots nūdūt ekspluatacejā paradzātajā laikā. Veicamū dorbu projektātuojs i generaluzjiemiejs ir dāņu kompaneja A/S “Per Aarsleff”. Atteireišonys kompleksa uzstuodeišonys kūpejuos izmoksys ir 5,7 miljoni eiro.

Šudiņ Jākubpilī turpynojās Lītovīšu kulturys nedeļa. Itaida nedeļa teik reikuota. kab lobuok īpazeitu sābru viesturi i kultūru i styprynutu Jākubpils pošdarbnīku sadarbeibu ar Roķišku i cytu Lītovys pylsātu tautys muokslys kolektivim. Šudindīna, Lītovīšu kultūrys nedeļā, nūsarysynoj zam klasiskuos muzykys zeimis, – trejūs Jākubpils A. Žilinska muzykys školā Rokišķu jaunū ģitāristu koncerts, bet Rokišķu vijūlnīku ansambļa koncerts sešūs Krustpils katūļu bazneicā.

Reit projekta “Biedrības „Preiļu NVO centrs” darbības atbalsta programma pilsoniskās sabiedrības stiprināšanai Preiļu rajonā” ītvorā 16 Preiļu navalstiskuo sektora puorstuovjim teik organizāts pīredzis apmainis braucīns iz Talsu nūvoda fondu i Jelgovu.