Latgolys Radejis zinis (4.02.2008.)
Bolvu pilsātys 80 godu jubilejis nedelī nu šudinis pilsātā paredzāti vairuoki kulturys pasuokumi. Šudiņ plkst.17.00 Bolvu pilsātys Kulturys i atpyutys centrā nūtiks Kārļa Dobrāja muokslys studejas (Reiga) izstuodis atkluošona. Izstuodē pīzadaleis arī Bolvu muokslys skūlys absolventis Māra Igaune i Zanda Garanča. Savukuort reit, 5.februalī, Bolvu pilsātys izgleiteibys īstuodēs paredzeiti eseju, zeimiejumu konkursi, kai arī dažaidys sporta aktivitatis
Šudiņ nūtiks Jākubpils jaunīšu dūmis sāde, kurā plānuots apsprīst i apstiprinuot projektu i pasuokumu plānu turpmuokai reiceibai. Kai vīnu nu sovim svareiguokīm doramīm dorbim Jākubpils jaunīšu dūme, kurā pošlaik dorbojās deveni atraktīvi i radūši jaunīši, izvirziejusa Apmainis dīnys organizeišonu Jākubpils skūluos. Aktualizeit plānuots arī vairuokus cytus vaicuojumu, ari par Kena parka kai atpyutys vītys izveidi, par nūmetņu i sporta pasuokumu organizeišonu, par pīredzis apmainis braucīni pi kaidys nu cytu pilsātu jaunīšu dūmam.
Šudiņ plkst.17.00 Jākubpils rajona padūmis konferenču zalā nūtiks Jākubpils pilsātys atteisteibys programmys 2007.-2013.godam Vidis puorskota sabīdriskuos apsprīsšonys sanuoksme. Jākubpils dūme izstruoduojuse Atteisteibys programmu laika pūsmam nu 2007. da 2013.godam. Tuos strategiskuo daļa paruoda piļsātys turpmuokū izaugsmi, bolstūtīs iz savstarpeji saisteitu nūzaru atteisteibu, i tuos ītekmi iz apkuortejūs teritoreju atteisteibu. Ituos programmys investiceju planā ir uzskaiteiti pošvaldeibys atteisteibys projekti voi projektu idejis, kas realizejamys, lai sasnīgtu strategiskajā daļā izvirzeitūs mierķus i uzdavumus.
Nu šudinis par treis stundem tiks pagarinuots Ceļu satiksmis drūšeibys direkcejis (CSDD) Davgavpils rajona tehniskuos apskatis stacejis dorba laiks. Dorba dīnuos tehniskuos apskatis staceja niula struoduos nu plkst.8.30 leidz 20.00, savukuort sastdīņuos – nu plkst.8.30 leidz 16.00.
