Latgolys Radejis zinis (4.01.2007.)
Šudiņ Preiļu nūvoda dūmis prīkšsādātojs Aldis Adamovičs Preiļu slimineicā sveiks pirmū jaundzymušū bārnu Preiļu nūvodā. Meitineitis vacuoki sajims duovonā 150 latu pyura īguodei, duovonu karti 50 latu vierteibā, spieļmantenis i pučis.Pasuokumā pīzadaleis arī SIA ”Preiļu slimineica ” vadeiba.Jākubpils dūmis finanšu komiteja apstyprynuojuse planuotūs 2008.goda investiceju projektus ar pošvaļdeibys leidzfinansiejumu. Šūgod planuota pyrmskūlys īstuodis byuvnīceiba Jākubpilī, myusdīnom atbylstūšu dobys i eksaktūs zynuotņu kabinetu īreikuošona Jākubpils vydusskūluos, Pūļu pamatskūlys rekonstrukceja i paplašynuošona, jaunīšu interešu i iniciatīvu centra izveide, aukļu dīnesta izveide i.c.
Da janvara vydam Jākubpils rajona Muokslys skūlā ir skotama audziekņu izstruoduotūs diplomdorbu projektu izstuode. Tymā skotamys skices, kas pavasarī realizāts dažaidūs materialūs – kūkā, iz stikla, zeida auduma, kai arī cytūs muokslinīciskajūs rysynuojumūs dažaiduos tehnikuos. Izstuodeiti kūpumā 38 audziekņu muokslys dorbi.
Augstuokuos tīsys Cyvillītu tīsu palata vakar izskateišonai Reigys opgoboltīsā nūdeve vaicuojumu par tū, voi atceļams Latgolys opgoboltīsys lāmums nūdrūšinuot AS ”Rēzeknes siltumtīkli” praseibu i apkīluot SIA ”Latgolys energeja” kustamū montu i naudu par vairuok nakai 880 000 latim.
Kruoslovys nūvada dūme šūbreid veic pietiejumu, lai nūskaidruotu īdzeivuotuoju informeiteibu i attīksmi pret pošvaldeibu, kai arī vajadzeigīm uzlobuojumim informacejis i komunikacejis jūmā. Anketys ir anonimys i īgiutī rezultati tiks izmontuoti tikai apkūpuotā veidā. Pietiejuma mierkis ir uzlobuot dūmis i īdzeivuotuoju sadarbeibu.
Iz Latejjis i Krīvejis rūbežys jau nedeli ryndā nagaida nivīna kravys automašyna. Kai ziņuots, pādejū raizi 27.decembrī izbraukšonu nu Latvejis iz Krīvejiu Grebņevā gaideja 120 kravys automašinys, bet Terehovā rindys nabeja. 28.decembrī rynda izzuda arī Grebņevā.
