Latgolys Radejis zinis (30.09.2008.)
Saisteibā ar projekta “Iudinssaimnīceibys atteisteiba Austrumlatvejis upju baseinūs” izmoksu pasalelynuošonu Leivuonu nūvoda dūme paredziejuse 2009. goda budžetā leidzekļus 6 852 latu apmārā pošvaļdeibys leidzfinansiejuma dalis palelynuošonai.Pīkdiņ, 3. oktobrī, Rēzeknis rajona Bierzgalis kulturys nomā nūtiks Školuotuoju dīnys svineibys, kuru laikā tiks gūdynuoti lobuokī Rēzeknis rajona pedagogi, informej Rēzeknis rajona padūmis sabīdriskūs attīceibu speciāliste Laura Ieviņa.
Leidz 25. oktobram Latvejis Muokslys akademejis Latgolys filialē (LMA LF) muokslinīki nu vysys Latvejis aicynuoti īsnīgt dorbus tekstilmuokslys i škīdru muokslys miniaturu izstuodei “Caurums”, kuru planavuots reikot novembrī ci decembrī, informej LMA LF vadeituojis vītneica Daina Sproģe. Īsnīdzamī dorbi var byut ari telpiski objekti, maksimālais dorba izmārs – 15x15x15 centimetri.
Šudiņ divūs Daugavpiļs Nūvodpietnīceibys i muokslys muzejā tiks atkluota izstuode “Dinaburgys cītūkšņa celtnīceibys viesture (1810-1878)”. Izstuodis veiduošonā izmontuoti Daugavpils Nūvodpietnīceibys i muokslys muzeja, Krīvejis vaļsts kara viesturis arhiva i Artilerejis, sakaru i inžineru karaspāka kara viesturis muzeja materiali, kai ari Daugavpils fotomuokslinīku fotograpejis.
