Latgolys Radejis zinis (28.01.2008.)
Šudin plkst.16.00 Davgavpils stadionā “Lokomative” telpuos tiks prezenteits spidveja komandys “Lokomotive” 2008.goda sastuovs. Aizvadeitajā sezonā “Lokomative” izcineja īspieju šūgod starteit Pūlejis atkluotuo čempionata pyrmajā līgā. Tymā startej daudzi pasaulis lobuokī spidvejisti. Lai starts Davgavpils komandai byutum veiksmeigs, tuos sastuovam juobyun pīteikami stypram. Pasuokumā masu sazinis leydzekļu puorstuovim bius īspieja īpasazeit ari ar cytom spidveja aktualitatem.Nu šudinis pošvaldeybys AS “Davgavpils syltumteikli” Davgavpils kogeneracejis stacejā saražuotuos syltumenergejis tarifi pīaugs par 14,5%, bet elektroenergejis tarifi – par 12,8%. Sabīdriskūs pakolpuojumu reguleišonys komisejis (SPRK) padūme apstyprynuojuse “Davgavpils syltumteiklu” jaunūs tarifus. Davgavpils kogeneracejis stacejā saražuotuos syltumenergejis tarifs byus 26,64 lati par megavatstuņdi, naskaitūt pīvīnuotuos vierteibys nūdūkli (PVN), bet elektroenergejis tarifs – 39,99 lati par megavatstuņdi, naskaitūt PVN. Tarifu pīaugums ir pamatuots ar dobysgāzis cenys izmaiņom.
SIA “Davgavpils galis kombinats R” jaunais eipašnīks – Igaunejis AS “Uvic” – divu godu laikā planoj investeit “Davgavpils galis kombinatā R” divus miljonus eiro (1,4 miljonus latu), šūnedeļ žurnalistus informieja “Davgavpils galis kombinats R” valdis priekšsādātuojs Aleksandrs Mušarovs. “Uvic” īsaguoduojuos “Davgavpils galis kombinatu R” paguojušuo goda beiguos. Jaunūs eipašnīku mierkis asūt ražuot augstys kvalitatis dasys i žuoveitys galis produkceju, kū realizeitu na tikai Latvejis tiergā, bet golvanūkuort Krīvejā, Igaunejā, Vuocejā.
Vakar vokorā Ēgiptē nūtykušajā skaystumkonkursā “Mis i Misters Latveja 2007” finalā uzvarieja jaunīši nu Latgolys. “Mis Latveja” titulu īgive Viktoreja (Davgavpils), bet par “Misteru Latveja” tyka atzeits Juoņs Komarovskis nu Bolvim. Par vicemis i vicemisteru kliva Evija Dišlere nu Jelgovys i Staņislavs Timošenko nu Jiurmolys. Konkursa finalā sazacente 12 daleibnīki – sešys mārgys i seši puiši.
