Latgolys Radejis zinis (27.10.2008.)
Šudiņ Latgolys apgoboltīsa planavoj turpynuot pratynuot līcinīkus kukuļjimšonā, kukuļdūšonā i nalegalu īrūču apritē apsyudzātū diveju Organizātuos nūzīdzeibys apkaruošonys biroja Latgolys regionaluos nūdalis darbinīku kriminallītā.Aizvadeitajā dīnnaktī pasalelynuojuš kravys automašynu ryndys iz Latvejis i Krīvejis rūbežys, Terehovys rūbežkontrolis punktā izbraukšonu nu vaļsts itūreit gaidie 750 kravys automašynys, kas ir par 50 automašynom vairuok nakai vakar. Sovukuort Grebnevys rūbežkontrolis punktā itūreit ryndā gaidie 600 transportleidzekli, kas ir par 100 spākrotim vairuok nakai vakar.
Nu šudiņdīnys leidz 30. oktobram Rēzeknis muokslys i dizaina vydsškolys Muokslys izgleiteibys regionalajā metodiskajā centrā nūtiks Zīmyssvātku temai velteiti kursi regiona muokslys školu pedagogim, informej Rēzeknis Muokslys i dizaina vydsškolys projektu vadeituoja Inga Čekša.
30. oktobrī, 11 stuņdēs Daugavpilī, rajona kulturys nomā, nūtiks projekta “Publiskūs interneta punktu izveide Latgolys regionā” nūslāguma konference “Ceļā iz informacejis sabīdreibys veiduošonu”.
