Latgolys Radejis zinis (27.03.2008.)
Latgolys apgoboltīsa šudiņ planoj skateit praseibu par pamatkapitalā naīguldeituos summys i napamatuotai izmoksuotū dividenžu pīdziņu nu bejušajom moksuotnaspiejeiguos SIA “Daugavpils ceļinieks” omotpersonom. Ar praseibu par pamatkapitalā naīguldeituos summys – 25 886,51 lata un napamatoti izmoksuotū dividenžu – 63 738,87 latu pīdziņu tīsā grīzēs moksuotnaspiejeiguos SIA “Daugavpils ceļinieks” administrators.Šudiņ Rēzeknis Muokslys i dizaina vydsškolā vīnūs nūtiks keramikys radūšu darbneicu atvārtūs durovu dīna, kur tiks prezentāti jaunī elektriskī cepli i nu tim izjimtī pyrmī apdadzynuotī dorbi. Pošlaik Rēzeknis Muokslys i dizaina vydsškolā nūteik keramikys radūšūs darbneicu modernizaceja, par Vaļsts kulturkapitala fonda pīškiertajim leidzeklim – 6000 latu apmārā – ir īguoduoti diveji elektriskī cepli jeb mufeli.
Šudiņ Rēzeknis piļsātys Kultūrys nomā plkst.17, Starptautiskajā teatra dīnā, Rēzeknis Tautys teatris piļsātys dzeivuotuojim i gostim pīduovuos nūsaskateit izruodi “Netici blēņām” (režisore Māra Zaļaiskalns ), kas Latvejis amatīrteatru īstudiejumu parādē “Gada izrāde 2007” atzeita par lobuokū, turkluot Rēzeknis Tautys teatris arī atzeits par lobuokū nominācejuos „Labākie kostīmi” (Ināra Apele) i „Muzikālais noformējums” (Gunārs Igaunis un Ilmārs Dreļs).
