Latgolys Radejis zinis (25.09.2008.)
Šudiņ Daugavpili apmeklej Austrejis viestnīce Hermīne Popellere. Juos vizite suoksīs ar Daugavpiļs Dūmis apmekliejumu, kur īsapazeis ar pošvaļdeibys projektim socialajā jūmā. Piečuok H.Popellere īplānuojuse apmeklēt Daugavpiļs Universitatis Volūdu centru i Krīvu nomu, i kai pastuostie Daugavpiļs Dūmis presis sekretare Līga Korsaka, gasteišonys nūslāgumā viestnīce pīsadaleis Rotko plenēea nūslāguma pasuokumā.Ar 1. oktobri AS “Rēzeknis autobusu parks” atjaunuos leluokū daļu 15. septembrī slāgtūs reisu. Nu desmit likvidātajim reisim atjaunuoti natiks vīneigi diveji maršruta “Reiga-Varakļuoni-Rēzekne” reisi ar izpiļdis laiku dorba dīnuos plkst.17.20 i 4.40.
Šudiņ 11 stuņdēs Jākubpiļs piļsātys bibliotekā, nūtiks Naturalizacejis puorvaļdis Daugavpiļs Regionaluos nūdalis (NP DRN) potograpeju izstuodis “Jaunī Latvejis pilsūni Jākubpilī” atkluošona, kai informie Ilze Onzule, NP DRN Informacejis centra vacuokuo referente, nu 1995. goda, naturalizacejis procesa suokuma, Jākubpiļs piļsātā i rajonā Latvejis pilsūneibu naturalizacejis kuorteibā sajāmuš 1500 dzeivuotuoju.
Šudiņ Naturalizacejis puorvaļdis (NP) Rēzeknis regionalajā nūdaļā nūteik Informacejis dīna tim Rēzeknis piļsātys i rajona īdzeivuotuojim, kurī gryb dabuot informaceju par Latvejis piļsūneibys vaicuojumim.
Šudiņ sastajā vokora stuņdē Daugavpiļs bīdreibys nomā nūtiks Līpuojis simfoniskuo orkestra koncerts ar krīvu muzykys programmu “Umurkumura ainenis”.
Šudiņ nu divejom Latgolys piļsātom iz Gaiļezera slimineicu Reigā teik puorvasti divi smogai slimi pacienti. Vīnam pacientam insults, bet ūtram – smoga kardiologiska saslimšona.
