Latgolys Radejis zinis (25.01.2008.)
Šudiņ Izgleiteibys i zynuotnis ministre Tatjana Koķe sovā pyrmajā reģionālajā vizeitē dūsīs iz Latgolu. Par vīnu nu sovim dorba uzdavumim jei ir izvirzejus ikvīna cylvāka, kotra reģiona i vysys vaļsts atteisteibys vajadzeibom atbylstūšys izgleiteibys sistēmys nūdrūšynuošonu. Nu plkst.10.30 leidz apmāram 11.30 paradzāta ministris daleiba Latgalis plānuošonys reģiona atteisteibys padūmis sēdē, kab īpasazeitu ar aktualitātem, uzklauseitu vīdūkļus par izgleiteibys īstuožu atteisteibys vaicuojumim. Piečuok Koķe apmeklēs Leivānu 1. vydusškolu i tiksīs ar Latvejis izgleiteibys puorvaļžu vadeituojim.
Šudiņ Daugavpils rajona Demenes pogosta “Cinīšos” tiks atkluots Dīnvidlatgalis reģiona sadzeivis atkrytumu poligons “Demene”; poligona atkluošonā daleibu jims vidis ministrs Raimonds Vējonis. Ar jauna sadzeivis atkrytumu poligona “Demene” pījimšonu ekspluatācejā, i 31 vacuos izguoztuvis rekultivāceju pārn 2. augustā, nūsaslēdze ES Kohēzejis fonda projekts “Sadzīves atkritumu apsaimniekošana Dienvidlatgales reģionā, Latvijā”. Projekta kūpejuos izmoksys ir 6,916 miljoni eiro (Ls 4,841 milj.)
Šudiņ Naturalizācejis puorvaļdis (NP) Rēzeknis reģionāluos nūdaļis Informācejis centrā plkst.10, 14 un 16 nūtiks informācejis stuņdis piļsātys i rajona īdzeivuotuojim par pilsūneibys vaicuojumim. Latgolys Radeju informē NP Rēzeknes reģionāluos nūdaļys Informācejis centra vecuokais referents Voldemārs Ivdris. Apmaklātuoji tiks informāti par pilsūneibys dabuošonys vaicuojumim, par naturalizācejis procesu, par vajadzeigajim dokumentim i par naturalizācejis puorbaudejumim.
Šudiņ Daugavpils Universitātē turpynojās starptautiskuo zynuotniskuo konference “XVIII Zinātniskie lasījumi”. Zynuotniskajā konferencē dorbojās sešys grupys: Baltu volūdys: sinhronija i diahronija; Slāvu valūdys: volūda, viesture i kultūra; Vuocu volūda kā mysdīnu lingvistikys pietnīceibys objekts; Angļu volūdys kontrastīvais i sociolingvistiskais aspekts; Viesture: ovūti i cylvāki; Personvuords literatūrā i kultūrā.
Šudiņ Latgalis apgoboltīsa skateis praseibu par pamatkapitālā naīguldeituos summys i napamatuoti izmoksuotū dividenžu pīdziņu nu bejušajom moksuotnaspiejeiguos SIA “Daugavpils ceļinīks” amatpersonom.
Vaļsts jaunatnis iniciatīvu cents par gūdu Latvejis Republikys proklamiešonys 90. godadīnai arī itūgod turpynoj īsuoktū pasuokumu ciklu “Tu esi Latvija”. Šudiņ plkst.12 Ludzys rajona Zylupis Tautys nomā nūtiks jau septeitais tautys dzigu pasuokums “Vilksim košu zelta jostu apkārt savu tēvu zem’”. Zylupē Ludzys rajonam rakstureigūs dzigu rokstus izdziguos 20 Ludzys rajona dzigu kolektīvi – kūpumā 320 dziguotuoji.
Šudiņ Daugavpils teātrī nūtiks Vladimira Visocka 70 godu jubilejai veļteita īstudiejuma pyrmizruode “Es ticu mūsu kopējai zvaigznei”.