Latgolys Radejis zinis (24.11.2008.)

Pīktdiņ, 28. novembrī Rēzeknis Muokslys vydsškolys Muokslys nomā nūtiks Rēzeknis Augstškolys Letonikys instituta reikuota konference “Religejis i politikys mijīdarbe myusdīnu Latvejā Eiropys kontekstā”. Konferencis dalinīki nu RA, Daugavpils Universitatis, Reigys Stradeņa universitatis i Tīslītu ministrejis Religiskūs lītu puorvaļdis referēs par vaļsts i religiskū organizaceju attīceibu eistynuošonu Latvejis Republkā, myusdīnu latvīšu dīvturu grupu kulturpolitiku, katuoļu bazneicys politiskajom aktivitatem naatkareigajā Latvejā i cytom temom.

Dūdūtīs iz izsaukumu pi kaida 49 godus vaca veirīša Eglainis pogostā, Daugavpils Natlīkamuos mediciniskuos paleidzeibys mašine īstyguse iz aizputynuota ceļa i nav variejuse datikt leidz izsaukuma golapunktam. Kab datyktu leidz sliminīkam, uorsti apmāram puskilometru guojuši kuojom, bet piečuok pacients ar ragaveņom vylkts leidz mudruos paleidzeibys mašinei.

Jūprūjom sasagloboj kravys automašinu ryndys iz Latvejis i Krīvejis rūbežys. Terehovys rūbežkontrolis punktā ryndā gaida 392 kravys automašinys, bet Grebņevā – 20 automašinys.

Arī turpmuokajā dīnā Latvejā turpynuos snigt i putynuot. Snigšonys ci putiņa laikā radzameiba paliks švakuoka – nu 500 leidz 1000 metrim.