Latgolys Radejis zinis (23.09.2008.)

Šudiņ diveju dīnu vizitē Daugavpilī īsarūn Zvīdrejis viestnīks Marts Stefansons i ituos vaļsts uzjiemieju delegāceja. Daugavpilī Zvīdrejis uzjiemeji planavoj tiktīs ar vītejuos pošvaļdeibys vadeibu, īsapazeit ar uorpiļsātu i apmeklēt vairuokus uzjāmumus.

Jākubpils rajona padūmis konferenču zalā šudiņ nūteik seminars “Sakuortuotys dorba tīsyskuos attīceibys pamats dzeivuotuoju lobkluojeibai i drūšeibai i ekonomiskai ilgtspiejeigai atteisteibai.” Seminarā daleibu jam Jākubpils, Preiļu i Rēzeknis rajona pošvaļdeibu puorstuovi, dorba devieji i dorba jiemieji, kai ari nūdarbynuoteibys instituceju puorstuovi.

Daugavpils rajona padūmis apsprīžu zalā 8. oktobrī vīnūs nūtiks jaunuos atomelektrostacejis Lītovā byuvnīceibys ītekmis iz vidi nūviertiejuma ziņuojuma sabīdriskuo apsprīsšona. Ziņuojuma sabīdriskajā apsprīsšonā “Lietuvos Energija” puorstuovi informēs kluotasūšūs par projekta gaitu i rezultatim.

Aizvadeitajā nedeļā Preiļu rajona Policejis puorvaļdē vārsusēs kaida Aglyunys pogosta īdzeivuotuoja ar īsnīgumu, ka nūzogtys dažaidys sadzeivis montys. Nu sīvītis eipašumoa nūzogtys arī divejis bucys ar dīzeļdegvīlu, mašynys zīmys rīpys, vairuoki syvāni, kai ari nūroktys buļbys.