Latgolys Radejis zinis (20.06.2008.)
![](https://lpr.gov.lv/wp-content/uploads/2005/dezuratteli/79.jpg)
Daugavpiļs rajona Laucesas pogostā uzsuokta naftys puorstruodis ryupneicys projekta realizaceja. Šudiņ tiks suokta paziņuojuma par ītekmis iz vidi nūviertejuma suokūtnejuo sabīdriskuo apsprīšona. Naftys puorstruodis ryupneicā paradzāts ražuot benzinu, aviacejis degvīlu, dīzeļdegvīlu, sāru i koksu, puorstruodojūt leidz sešim miljonim tonnu naftys godā.
Šudiņ pl. 13:00 Daugavpiļs Nūvodpētnīceibys i muokslys muzeja izstuožu salonā ”Māra” tiks atkluota īvaruojamuo latvīšu ainovys i klusuos dobys meistara glaznuotuoja Anša Artuma (1908-1997) simtgadei veļteita pīminis izstuode. Izstuodē byus apskotamys glaznys, kas atspūgoļoj muokslinīka daiļradi laika pūsmā nu 30. godim leidz 1996. godam.
Ludzys dūmis sēdē vakar apstyprynuots Ludzys nūvodu veidojūšū pošvaļdeibu apvīnuošonuos projekta galeigais variants. Šudiņ projekta galeiguo verseja i pošvaļdeibu lāmumi par projekta apstyprynuošonu tiks nūsyutāti Regionaluos atteisteibys i pošvaļdeibu lītu ministrejai atzynuma sajimšonai.
Latgolys apgoboltīsā šudiņ tiks paziņuots sprīdums lītā par eipašumtīseibu atjaunūšonu uz zemi pi Rāznys azara. Latvejis Pareizticeigūs bazneicys Rēzeknis Vysusvātuokuos Dīva Muotis pīdzimšonys pareizticeigūs draudze nu Muokūņkolna pogosta padūmis gryb atgiut Lipušku pareizticeigūs draudzei pīderejušū zemi i iudiņus Mokūņkolna pogostā pi Rāznis azara 376,88 hektaru apmārā. 1990.godā Mokūņkolna pogosta padūme pareizticeigūs draudzei atdūt atsacejuos, jū tys naasūt bejis nūstiprynuots zemisgruomatā, pi tam bejs pīškierts lītuošonā.
Liedz 1. oktobram pensionari Rēzeknis piļsātys sabīdriskajā transportā jūprūjom varēs braukt ar atvīglojumim, moksojūt 50% nu biļeta cenys – 15 santimus. Savukuort pensionari, kuri vacuoki par 75 godim, leidz 1. oktobram varēs braukt bez moksys.