Latgolys Radejis zinis (20.02.2008.)
Šudiņ pl.13:00 Rēzeknis dūmē pīcim Latgolys kultūrys i izgleiteibys darbinīkim svineigai tiks pasnīgts Latgolys plānuošonys reģiona Atzibeibys roksts, kas ir augstuokais Latgolys reģiona apbolvuojums. Nūzeimeigais apbolvuojums tiks pasnīgts Rēzeknis piļsātys Gūda pylsūņam, Latgalīšu kultūrys bīdreibys izpilddirektoram, kultūrys i sabīdriskajam darbinīkam Pēterim Keišam, Balvu muokslys skūlys direktorei, aktīvai kultūrys i izgleiteibys darbineicai Elitai Teilānei, Balvu rajona literātam, kultūrys darbinīkam Antonam Slišānam, Kruoslovys rajona folklorys kūpai “Olūteņi” i tuos dybynuotuojai i vadeituojai Intai Viļumai i Latgolys Radejai.Daugavpilī bāzātais naftys puorstruodis uzjāmums “Dinaz” meklej partnerus uorvaļstīs, kas byutum gotovi īguļdeit 2,5 miljardus eiro natftys puorstruodis fabrikys i 163 miljonus eiro ūstys byuvnīceibai. “Dinaz”, plānojūt byuvēt ryupneicu, kur ik dīnu varātum puorstruoduot 150 000 barelu naftys, i tei atsarostūs natuoli nu Daugavpils.
Turpynojūt pārnuo goda novembrī suoktuos dīnesta puorbaudis par Vaļsts ījāmumu dīnesta Latgolys reģionāluos īstuodis vadeibys saisteibi ar kontrobandu, febraļa suokuos īrūsynuotys disciplinārlītys prat tejom augstuokajom ituo reģiona omotpersonom. Disciplinārlītys īrūsynuotys pret VID Latgolys reģionāluos īstuodis direktori Vandu Gurkovsku, juos vītnīku i Muitys puorvaļdis prīkšnīku Aivaru Joņevu-Ivanovu i Muitys puorvaļdis prīkšnīka vītnīku Guntaru Loitu.
Šudiņ trejūs Latgolys Kultūrviesturis muzeja Izstuožu noma Lelajā zalā nūtiks muokslinīka Viļa Gruzdiņa jubilejis izstuodis atkluošona. Muokslinīks dzims 1938. godā i glaznuošonu apgivs pošvuiceibys ceļā, da šam rodūt vaira kai 650 dorbus.
