Latgolys Radejis zinis (2.06.2008.)

Šudiņ Kruoslovā ESF projekta “Kruoslovys rajona socialuo dorba specialistu profesionalūs īmaņu pilnveide, socialūs pakalpuojumu kvalitatis uzlabuošonai” nūslāguma konferencē “Ideja… projekts… rezultats” 18 rajona socialuo dorba specialistim tiks pasnīgti 1.leimiņa augstuokuos profesionaluos izgleiteibys diplomi. Projekta mierkis beja nūdrūšynuot Kruoslovys rajona socialuo dorba specialistim īspieju dabuot socialuo apryupātuoja pyrmuo leimiņa augstuokū profesionalū izgleiteibu.

Leivuonu nūvoda dūmē pīškiers bārnim breivpušdinis, ja bārns ir deklarāts Leivuonu nūvodā, apgiust obligatū 5-6 gadeigū apvuiceibu vai ir 1.-4. klasis škoļnīks Leivuonu nūvoda školuos. Breivpušdīnis ir ilgtermeņa socialuo paleidzeiba saimem, kas godā pošvaļdeibai izmoksoj ap 50 000 latu.

Rēzeknis piļsatys kulturys nomā šudiņ sešūs vokorā ar izruodi “Boltais sapnis” vīsuosīs Sanktpeterburgys teātru savīnība “Komik-trest”. Izruodis dekoracejis attāloj mozu boltu vydslaiku karalisti, kuramā namonamai īsarūn aktīri. Intrigejūšais suokums sūlej aizraujūšu turpynuojum, treis aktīrim atveidojūt stuostu – dzigys, pantomimys, muzykys, masku, kostimu, akrobatikys i klaunādis volūduos.

Nu šudiņdīnys leidz 29. augustam Preiļu pilsātys labīkuortuošonys i apzaļumuošonys dorbūs struoduos 36 školāni vacumā nu 13 leidz 14 godim. Preiļu jaunīši izruodejuš cīš lelu aktivitati – iz nūdarbynuoteibys pasuokumim pīzasaceja 91 školāns. Bet školānu nūdarbyunuoteibai beja īplānuotys 36 dorba vītys – kotrā vosorys mienesī pa 12 dorba vītom, deļ tam Preiļu nūvoda dūmē nūtyka izlūze, kuramā piec najaušeibys principa tyka nūskaidruoti tī jaunīši, kurī vosorā struoduos SIA “Preiļu saimnieks”.

Dagdā 25. i 26. julī nūtiks pilsātys svātku pasuokumi, tagad teik veiduota dorba grupa, kas izstruodoj pilsātys svātku scenareju. Planuots, ka pilsātys svātkūs nūtiks svātku guojīns i koncerts, kuramā pilsātys pasuokuma dalinīkus i gostus ar sovu uzastuošonu izklaidēs aktīru grupa nu Reigys. Vysys dīnys garumā pilsātys svātkūs paradzātys arī dažaidys sportiskys aktivitātis.

VADC Latgolys filialē informej, ka šudiņ nu 9 reita leidz 12 teik organizāta donoru dīna Stoļerovā, kur donori gaideiti kulturys noma telpuos, bet reit donoru dīna byus Strūžānu kulturys noma telpuos 9.00-12.00.

Šudiņ Kruoslovā turpynojās pilsātys svātki. Šudiņ, Spūdreibys dīnā, četruos stuņdēs Kruoslovys kultūrys nomā nūtiks dzejnīka Oskara Peipiņa labdareibys akceja “Paleidzēsim myusu pilij!”, kurys laikā savuoktī zīduojmi tiks puorskaiteiti Kruoslovys pils restauracejai. Sovukuort sešūs tiks atkluots konkurss “Sakūptuokuo dzeivis vīta Kruoslovys nūvodā 2008”.