Latgolys Radejis zinis (19.05.2008.)
SEB Studentu sacenseibu gaitā tyka nūskaidruots, kurys augstškolys komandys studenti ir vysapkiereiguocī, var sasnīgt vīnuotu mierki i paruodeit vyslobuokuos zynuošonys par banku dorbu ikdīnā. Par sacenseibu absolutū vinnātuojkomandu, kas dabuo arī ekspertu patikšonu, kliva komanda “Kukuļzeme” nu Daugavpils Universitates. SEB Studentu sacenseibu vinnātuoji kai golvonū duovonu sajēme īspieju dūtīs vizitē iz SEB banku Zvīdrejā.Leivuonu stykla ryupneicys darbinīki paguojušpīktdiņ īsnīguš SIA “Lettglas” moksuotnaspiejis pīsacejumu Preiļu rajona tīsā. Itymā nedeļā byus zynoms par moksuotnaspiejis lītys īrūsynuošonu ci naīrūsynuošonu. Itaidu sūli spert uzjāmuma darbinīki spīsti, kab ryupneicys darbinīki napalyktu bez atolguojuma. Piec Leivuonu nūvoda dūmis reiceibā asūšuos informacejis, Leivuonu stykla ryupneicys darbinīkim tikai itūmienes izmoksuota olga par febrali.
Nu 29. juņa leidz 5. juļam Ludzys rajona Malnovā nūtiks vīna nu 3X3 nūmetnem, kuramā vysu vacumu latvīšim, byus īspieja “caur Latgolys zemis gora spāku i speiteibu padzilinuot i paplašynuot latviskuos zynuošonys, styprynuot saimis, veicynuot kūpeibys izjiutu, atteisteit kulturvidi”. Daleibnīku dasasaceišona leidz 1. juņam.
Šudiņ Daugavpilī, Krīvu nomā, slavu kulturys dīnu pasuokuma laikā nūtiks deklamātuoju konkursa “Puškina lirika” uzvarātuoju apbolvuošona. Plkst.16 Kalistratova nomā suoksīs Tautys amatnīku svātki, nūtiks dekorativi lītišķuos muokslys konkursa uzvarātuoju apbolvuošona i tiks atkluota konkursa uzvarātuoju dorbu izstuode.
6. junī Malnovys koledžys sporta bāzē nūtiks Ludzys rajona pošvaļdeibu 2008. goda sporta dīna “Malnova – 2008”. Sacenseibu dalīnīki vacumā nu 18 godim – rajona, pylsātu, nūvodu, pogostu dzeivuotuoji, kai arī deputati, pošvaļdeibu īstuožu vadeituoji i padūmis/dūmis darbinīki – spākim māruosīs vairuokuos sporta disciplinuos. Pasuokuma mierkis ir popularizēt sportu rajona pošvaļdeibuos, īsaisteit pošvaļdeibu darbinīku kusteibys “sports visim” organizeitajuos sporta aktivitatēs, kai arī dabuot pozitīvys emocejis.
