Latgolys Radejis zinis (18.09.2008.)

Saeimys deputati nu Daugavpils, teikūtīs ar Daugavpils dūmis vadeibys puorstuovim, Daugavpils dūmis administrācejis Reigys birojā pauduši gataveibu sekmēt piļsātai svareigu projektu eistynuošonu. Tikšonuos dalinīki diskuteja ari par Daugavpils atteisteibys aprioritatem i investiceju pīsaistis īspiejom. Deputati paude gataveibu atbaļsteit i virzeit izskateišonai vaļsts leiminī svareiguokūs Daugavpils projektus.

Nu vīņpadsmit stuņdem leidz divim dīnā Daugavpilī, atpyutys kompleksa “City Center” komperenču zalā, nūtiks opoluo golda diskuseja par Eiropys Savīneibys fondu leidzekļu efektivuoku apgivi. Kab efektivuok tyktu apgiuti 2007.-2013.goda ES fondu leidzekli uzjiemeijdarbeibys atteisteibai Latgolā. Latgolys planavuošonys reģiona Strukturfondu informacejis centrs aicynuojs uzjiemeijus, biznesa atbolsta institucejis i cytus interesentus jimt daleibu opoluo golda diskusejā. Pasuokumā pīsadaleis arī Eipašu uzdavumu ministrs ES finanšu puorvaļdis lītuos Normunds Broks.

Šudiņ 11 stuņdēs Daugavpils rajona Leiksnys kulturys nomā nūtiks nūslāguma konference “Lauku atteisteibys pīredze i īspiejis regionalā, nacionalā i ES leiminī”. Konferencis dalinīki daleisīs pīredzē, apsprīss lobūs pīmārus i klaidys, meklēs lobuokūs cīmatu atteisteibys planu izstruodis rysynuojumus i metodis, kai arī sprīss par īspiejom izplateit projekta rezultatus.

Šudiņ Aglyunā nūteik Zemkūpeibys ministrejis organizātuo regionaluo konperence “Lauku atteisteiba leidz 2013. godam: īspiejis, izaicynuojumi i rysynuojumi”. Konperencis dorba kuorteiba teik organizāta divuos paneļdiskusejuos – “Lauku i lauksaimnīceibys uzjiemeijdarbeibys konkurētspieja i mejīdarbeiba” i “Partnereibys i vītejūs strategeju davums lauku atteisteibai”.