Latgolys Radejis zinis (18.02.2008.)

Valsts pubļiskuos runys konkursā vysaiduos volūduos ar devīzi “Dažayda pasauļa i as tymā” finālā, kas 27.martā nūzarysynuosīs Latvejis Universitatys Pedagoģejis i psiholoģejis fakultatā, Reigā, Rāzeknis rajonu puorstuovies pīci daleibnīki. Konkursa finālā sovys publiskuos runys īmanis demonstreis Feimaņu pamatskūlys 8.klasis školāns Kārlis Taranda, Gaigalovys pamatskūlys 9.klasis škoļneica Madara Švarce, Kaunatys vidusskūlys 10.klasis škoļneica Andra Čudare, Audriņu vidusskūlys 10.klasis škoļneica Tatjana Putina i Audriņu vidusskūlys 11.klasis skūlāns Deniss Kitovs.

Nu šudiņys iz bibliotekys fonda inventarizacejis laiku – aptuveni četrom nedeļom – tiks slāgta Ludzys pylsātys golvanuo biblioteka. Laseitovys i interneta pakolpuojumi bibliotekys kruojumu puorbaudys laikā bius pīejami nu plkst.10.00 da 17.00, izjamūt breivdīnys.Bibliotekys fondā ir aptuveni 35 000 gruomotu. Lai puorbaudeitu, voi vysys gruomotys ir iz vītys, tuos vysys pa vīnai bius juoizjam nu plauktim i kotrai juonūskenei sveitrukods. Bibliotekys elektroņyskīs katalogs ļūti atvīgluo inventarizacejis veikšonu, tai sacāja Kušnere.

Iz Latvejis i Krīevejis rūbežys izbraukšonu nu vaļsts Terehovys rūbežkontroļys punktā šūrīt gaidāja 600 kravys automašynys, bet Grebņevys – 50 transportleidzekļi, Diennakts laikā Grebņevā rynda ir sarukusa, vakar tī ryndā gaidāja 120 kravys automašynys, bet Terehovys rūbežkontrolys punktā rynda nav mainiejusās, arī vakar izbraukšanu nu vaļsts tymā gaidāja 600 kravys automašynys