Latgolys Radejis zinis (17.01.2008.)
Šudiņ Davgavpils rajona padūmis sēdē pošvaldeibys deputati ļlems par Davgavpils rajona pošvaldeibys budžetu 2008.godam. Padūmes sādē plānuots lemt arī par Valsts autoceļu fonda Davgavpils rajonam īdaleitūs leidzekļu sadali, par savstarpejīm nūriekinym starp pošvaldeibom, par pīzadaleišonūs projektā “Dobys aizsardzeibys plana izstruode dobys parkam “Davgovys lūki””, kai ari apstyprynuot Davgavpils rajona 2008.goda pasuokumu planu.
AS “Davgavpils lokomatīvu remonta rūpneica” (DLRR) paguojušuo goda apgrūziejums peic provizoriskīm apriekinim veidoj aptuveni 12 miljonus latu, kas ir par 36% mozuok nakai 2006.godā. Kai līcinoj uzjāmuma paziņuojums Reigys Fondu biržā (RFB), uzjāmums 2007.godā struoduoja ar zaudiejumim remonta objektu napīteikameibys dieļ.Beidzīs konkurss „Leivuonu nūvodam rakstureiguokīs suvenirs”, kura laikā radeiti Leivuonu nūvodam rakstureiguokī suvenīri, kas saisteiti natikai ar Leivuonu nūvoda viesturi voi kulturu, bet ari ar tuo šudinis saukli „Leivuoni – atslāga Latgolys vuortūs!”. Izvierteišonys komiseja nūlieme, ka konkursa lobuokīs pīduovuojums ir Ingys Salmenis, Eleonorys Pastaris i Solvitys Ceirulis izstruoduojums „Stykls nu Leivuonim”.Konkursam īsnīgtī rakstureiguokī suveniri ir apskotami Leivuonu Inženiertehnoloģeju i inovaceju centra Demonstraceju zalā.
Reit plkst. 12:00 Lītovys pylsātā Rokišķi tiks atkluota Marka Rotko dorbu reprodukceju izstuode. Tymā byus apsaverami vairuoki desmiti Davgavpilī dzymušuo pasauļslavenuo muokslinīka dorbu reprodukcejis. Itei byus pyrmuo reize, kod Davgavpils Nūvodpietnīceibys i muokslys muzeja M.Rotko zala eksponati tiks izstuodeiti Lītovā”. Izstuode Rokišķos apskotama INTERREG IIIA projekta „Muoksla bez rūbežom – puorrūbežu kulturys industrejis veicinuošona M.Šagāla i M.Rotko daiļradis kontekstā” ītvorūs. Projektu realizej Davgavpils piļsātys dūme i Vitebskys izpyldkomitejis Kulturas nūdaļa.
