Latgolys Radejis zinis (16.10.2008.)
Daugavpiļs Universitatis students Sergejs Bratusevs Starptautiskajā klasiskuos i varietē akardiona muzykys konkursā Italejis piļsātā Lanciano dabuojs ūtrū vītu i apbolvuots ar diplomu i sudobra kausu, informej universitatis sabīdriskūs attīceibu i informacejis dalis vadeituoja Vita Viļevko. Ūtrū vītu Bratusevs dabuojs nominacejā “Varietē akordeonists” vacuma grupā nu 18 godim.Rēzeknē, nuokušnedeļ, 24. oktobrī, desmit stuņdēs, nūtiks seminars – diskuseja mozajim i videjim uzjiemiejim par Eiropys Savīneibys strukturfondu apgivis īspiejom. Seminarā – diskusejā paradzāta ari Latgolys planuošonys regiona ES strukturfondu informacejis centra puorstuovju prezentaceja par ES strukturfondu agivis īspiejom 2007.-2013.goda planavuošonys periodam.
Šudiņ divūs Rēzeknis kulturys nomā atkluota Latvejis Republikys proklamiešonys 90. godadīnai veļteita ceļojūšuo izstuode „Drūšeiba i kuorteiba – Latvejai 90”. Izstuodis atkluošonā pīsadaleja Īkšlītu ministrejis i Rēzeknis dūmis puorstuovji, Vaļsts rūbežsardzis koledžys direktors generals Ivars Zālītis, kai arī Vaļsts policejas, Vaļsts gunsdzieseibys i gluobšonys dīnesta i Pylsūneibys i migracejis lītu puorvaļdis – teritorialūs strukturvīneibu vadeituoji.
Šudiņ sešūs Kruoslovys kulturys nomā byus skotama NBS Sauszemis spāku orkestra i Daugavpils teatra uzvadums “Meitinis viestule strelnīkam”. Itys uzvadums ir NBS Sauszemis spāku orkestra i Daugavpils teatra veļtejums Latvejis Republikys proklamiešonys 90. godadīnai.
