Latgolys Radejis zinis (16.06.2008.)
Nu 17. juņa leidz 15. juļam publiskai apsprīšonai tiks nūdūts Austrumlatvejis regionaluo daudzfunkcionaluo centra Rēzeknē mets. Metu konkursā Austrumlatvejis daudzfunkcionaluo centra sātys byuvnīceibai Rēzeknē par lobuokū atzeits SIA “Vizuālās modelēšanas studija” dorbs ar devīzi “Zīdaste”. Tehniskū projektu Austrumlatvejis daudzfunkcionaluo centra – koncertazala byuvnīceibai planuots izstruoduot goda laikā. Sovukuort koncertzala celtnīceibys dorbus planuots suokt 2010. godā i pabeigt treis godu laikā.23. junī Preiļu rajona bārnu i jaunatnis sporta školys stadionā nūtiks Līgu i Juoņu atkluotais vīglatletikys čempionats, kurā eipaši tiks sumynuoti sacenseibu daleibnīki Līgas I Juoņi. Pārn ituos sacenseibys nūtyka pyrmū reizi. Tū reikuošona sakrita ar Leigū dīnu, deļ tuo sacenseibom dūts taids nūsaukums. Sacenseibuos pīsadaleis Latgolys rajonu i piļsātu vīglatleti, sīvītis vacumā nu 30 godim i veirīši vacumā nu 35 godim. Sacenseibu suokums plkst. 11. Sacenseibu mierks ir popularizēt i atteistēt vīglatletiku Latgolā, veicynuot lobuoku sagatovuoteibu valsts i starptautiskom sacenseibom.
Reigys apgoboltīsa šudiņ planuojuse izskateit niu moksuotnaspiejeiguos kompanejis SIA “ATF Būve” praseibu pret Daugavpiļs gastneicis “Park Hotel Latgola” (bejušuos gastneicis “Latvija”) eipašnīku SIA “Pellston nami” i projekta finasātuoju AS “SEB banku” par 433 472 latu pīdziņu.
Daugavpiļs i Rēzeknis pošvaļdeibuos suokti dorbi, lai nuokūtnē ari ītamuos pošvaļdeibuos izveiduotu HIV profilaksis centrus. Sabīdreibys veseleibys agenturys (SVA) specialistu reikuotajā opoluo golda diskusejā Daugavpilī tyka apsvārtys īspiejis paplašynuot HIV/AIDS profilaksis centru teiklu Latgolā. Debatēs pīsadaleja Daugavpiļs, Kruoslovys i Rēzeknis atbiļdeigūs dīnastu specialisti.
Rēzeknis dūme nulāmuse veikt pošvaļdeibys īguļdejumu 10 000 latu apmārā SIA “Komunāls R” pamatkapitala palīlelynuošonai. Īguļdejums napīcīšams, lai uzjāmums varātu īsnīgt praseibu tīsā par aptuveni 400 000 latu p0ruoda pīdziņu nu debitora. Namūt vārā uzjāmuma kreditsaisteibys, samozynuotys SIA “Komunāls R” valdis lūcekļu olgys. Turpmuok valdis lūcekļa olga byus 850 lati, bet valdis prīkšsāduotuoja – 1000 lati.
