Latgolys Radejis zinis (16.04.2008.)
![](https://lpr.gov.lv/wp-content/uploads/2005/dezuratteli/79.jpg)
Šudiņ Ludzys rajonā pīredzis apmainis nūlyukūs planoj īsarast oficiala delegaceja četru cylvāku sastuovā nu Krīvejis Pitalovas rajona administracejis Izgleiteibys puorvaļdis i izgleiteibys īstuodem. Ludzys rajona Izgleiteibys puorvaļde i Pitalovas rajona Izgleiteibys puorvaļde planavoj paraksteit sadarbeibys leigumu, kas paredz daleibu kopejūs projektūs, pedagogu tuoļuokizgleiteibys īspiejis, uorpusskūlys dorba organiziešonu, dažaidys sporta aktivitates.
Šudiņ Rēzeknē sešūs vokorā, Krīvu kulturys dīnu ītvorūs nūtiks literara tikšonuos ar Sanktpēterburgys Universitatis profesoru Borisu Averinu. Profesors nūlaseis lekceju “Krievu literatūra XXI gadsimta sākumā”. Krīvu kulturys dīnys tradicionali jau 15. godu reikoj teatris-studeja “Joriks”.
Daugavpils Universitatē šudiņ nūteik Informacejis dīna. Tuos laikā interesenti varēs vaira dazynuot par studeju īspiejom i uorpusstudeju aktivitatem DU. DU ir leluokuo augstuokuos izgleiteibys īstuode Latgolys regionā. Tuos pīcuos fakultatēs 2008./ 2009. studiju godā teik pīduovuotys 53 dažaida leimeņa studeju programmys.
Kampanis “Ārsti pret smēķēšanu” laikā Latvijas Sorkonuo krysta Daugavpils komitejā struoduos “Plaušu remonta kabinets”, nu plkst.10 leidz plkst.16 visim interesentim Imanta īlā 35a byus īspieja vaira dazynuot par veidim i metodem, kai vysefektivuok atmest peipiešonu.