Latgolys radejis zinis (13.02.2008.)
Riezeknis dūme nūlāmuse nu šudines da 23.martam sabīdriskajai apsprīšonai nūdūt Riezeknis pylsātas integrātuos atteisteibas programmas 2007.-2013.godam Vidis puorskata projektu, kuruo mierķi ir izviertiet asūšū vidis situaceju, pluonūšonas dokumentu realizacejas ītekmi iz vidi, kai arī nūsaceit byuteskuokuos problemas. Jau ziņūts, ka aizvadeitajā nedeļī Riezekne kļivusi par pyrmū pylsātu Latvejā, kurai Koordinacejas padūmis siedē apstiprinuota Riezeknes pylsātas integrātuos atteisteibas programma 2007.-2013.godam. Riezekne, dūmojūt par tuos tuoļuokū atteisteibu, izvirzej sevi kai Austrumlatvejas kulturas i izgleiteibas centru.Vizeitis laikā Daugavpilī Lītovas pylsātas Rokišķu mers Rimants Velikis pauda vielmi paplašinuot sadarbeibu storp sābrpylsātom.Jau tāņ pylsātom ir daudzi kūpeiga – Roķišķu jaunīši izmontoj Daugavpils lada halli i cytas sporta bazis, dūdas iz sābrpylsātu atsapyust i īzapierkt.Tai nu ir izaveidojs, ka da Reigai nu Rokišķim ir tyvuok nakai da Viļņai, bet da Daugavpilij tyvuok nakai da pašu administrativajam centram Panevežai, tai skaidrova Rokišķu mers.
Daugavpils rajona padūmis tautas izgleiteibas i kulturas centra izsludynuotajam konkursam “Apslēptās kultūras mantojuma vērtības Daugavpils rajonā” īsnīgti deveņi dasacejumi. Storp interesantuokajim dasacejumim ir Leiksnas pogosta laukūs atrostais kaidus 1,6 metrus augstais enkurs, senlītu kolekceja Leiksnas pogosta “Ribakūs”, kai ari Baltmuižas viejdziernovys Eglainis pogostā.
