Latgolys Radejis zinis (12.05.2008.)
![](https://lpr.gov.lv/wp-content/uploads/2005/dezuratteli/79.jpg)
Saeimys Izgleiteibys, kulturys i zynuonis komisejis deputati šudiņ izbraukuma siedē apmeklies Davgavpili, kas ir ūtruo leluokuo Latvejis pylsāēta, kur ar lobim panuokumim dorbojās caturtuo leluokuo vaļsts augstškola. Deputatus interesej tys, kai multikulturaluo pylsāta rysynoj izgleiteibys vaicuojumus i kaidys ir regionalūs augštskolu atteisteibys perspektivys. Davgavpilīši ir aktivi projektu raksteituoji i taidā veidā nu Eiropys Savīneibys fondim ir pīsaistejuši lelus leidzekļus izgleiteibys atteisteibai. Deputaāti apmeklies Davgavpils universitati i Davgavpils Vaļsts gimnazeju, kai ari tiksīs ar pylsātys dūmis prīšksādātuoju Ritu Strodi.
Nu šudinis leidz 18.majam Daugavpilī, Latgolys Centralajā bibliotekā (LCB), nūtiks Finanšu veseleibys nedeļa, kurys ītvorā Daugavpils i Dauvgavpils rajona īdzeivuotuojim byus īspieja elektroniski aizpiļdeit finanšu veseleibys testu, kab puorbaudeitu sovu finanšu stuovūkli i izzynuotu, voi ir īmasls sasatraukt par sovim naudys tiereišonys parodumim. Pasuokuma daleibnīkim byus īspieja ari sajimt informativūs materialus i izzynuot, kai planuot personeigū gimenis budžetu, samazynuot tiereņus i kai veiduot uzkruojumus.
Nu šudinis leidz 23.majam Ludzys dūmis Socialuos paleidzeibys nūdaļā 13 i 14 godus vaci Ludzys pylsātā deklareiti školāni varies dazasaceit dorbam vosorā sešuos pylsātys pošvaldeibys īstuodēs. Ludzys pylsātys pošvaldeibā pīduovoj dorbu 20 jaunīšim junī i 20 jaunīšim augustā – Ludzys 2.vydsškolā, Ludzys pylsātys gimnazejā, Ludzys pylsātys golvonajā bibliotekā, Ludzys bārnu bibliotekā, kai ari bārnuduorzūs “Nameņš” i “Puosaceņa”.
14.majā plkst.16.00 Latgolys Centraluos bibliotekys (LCB) laseitovā tiks atkluota puču i literaturys izstuoda “Ak, ituos naparostuos sanpaulejis!”. Izstuodiys apmekleituojim byus īspieja apskateit ap pīcdesmit sanpauleju škirnes, sajimt konsultācejis tūs audzeišonā, kai arī īpazeitīs ar literaturu par sanpauļejom. Izstuodys atkluošonys dīnā paradzāta arī puorsteigumu lotereja, kurā izstuodys apmekļeituojim byus īspieja īgiut sovā eipašumā kaidu nu sanpaulejom.
Paguojušajā dīnnaktī turpynova pazalelynovās kravys automašynu ryndys iz Latvejis i Krīvejis rūbežys.