Latgolys Radejis zinis (10.03.2008.)
![](https://lpr.gov.lv/wp-content/uploads/2005/dezuratteli/79.jpg)
Šudiņ Davgavpils tīsa turpynuos skateit kriminallītu par guņsgrāka izraiseišonu beistamūs atkrytumu izguoztuvē Davgavpils rajonā 2006.goda majā. Da šam dažaidu īmaslu dieļ lītys skateišonu tīsai nuocīs atlikt. Šūbreid itamā kryminallītā tīsa nūpratynuojuse divus līcinīkus. Jau ziņuots, ka aizdūmuos par pārn majā izguoztuvē izraiseitū guņsgrāku teik turāts kaids 1981.godā dzims veirīis.
Šudiņ Jākubpilī suoksīs Jākubpils pamatskūlys rekonstrukcejis byuvnīceibys īceris publiskuo apsprīšona. Ar īcereituos skūlys rekonstrukcejis meta projektu interesenti var īsapazeit Jākubpils Tautys nomā, Vacpilsātys laukumā, da 7.apreļam. Byuvnīceibys īceris prezentaceja nūtiks 20.martā plkst.16 Jākubpils Tautas nomā.
Saisteibā ar puorzaceļšonūs iz renoveituom telpom, nadaudz beja maineits dorba laiks Ceļu satiksmys drūšeibys direkcejis (CSDD) Davgavpils nūdaļai. Šudiņ gon CSDD nūdaļa, gon tehniskuos apskatis staceja dorbu atsuoks īrostajā režimā. Jau ziņuojam, ka mynātūs īstuožu adrese nazamaiņājās.
Šūreit izacieļs guņsgrāks duorzkūpeibā, Carnikovā, kurā dzeiveibu zaudeja divi cylvāki. Guņsgrāks izacielīs ap plkst.4.00 reitā. Līsmuos dzeiveibu zaudieja aptuveni 30 godus vacss veirīts i sīvīta. Kūpumā paguojušejā dīnnaktī Latvejā registreiti 13 guņsgrāki, tymā skaitā arī divi kiulys guņsgrāki.
Šūreit izbraukšonu nu vaļsts iz Latvejis i Krīvejis rūbežys Terehovys rūbežkontroļys punktā ryndā gaida 250, bet Grebņevys – 150 kravys automašynys.