Latgolys Radejis zinis / 01.12.2008.

Kruoslovys rajona padūme, Kruoslovys nūvoda dūme i Krīvejis Federacejis Pleskovys apgobola Krasnogorodskys rajona pošvaļdeiba nūslāgušys treispuseju vīnuošonūs par sadarbeibu. Vīnuošonuos paredz sadarbeibu i pīredzis apmaiņu starp pošvaļdeibom, tū institūcejom, NVO i uzjiemiejim, apmainis programys starp izgleiteibys īstuodem, daleibu obeju valstu reikuotajūs kultūrys pasuokumūs i muokslys izstuodēs, kūpeigu ES struktūrfondu i cytu finanšu instrumentu projektu sagatavuošonu i eistynuošonu, kas rysynuotu vītejūs pošvaļdeibu aktuāluokuos problemys, kai arī cyta veida sadarbeibu ekonomikā, humanitarajā, sporta i kultūrys jūmā.

Reit sabīdriskuo apsprīšona par ziņuojuma “Pošvaļdeibu apsavīnuošonuos projekts Rēzeknis nūvoda izveidei” 1.redakceju nūtiks Feimaņu i Pušys pagostūs. Sanuoksmis laikā tiks skaidruoti nūvoda izveiduošonys i darbeibys principo, stuosteits par pošvaļdeibys funkceju realizaceju jaunajā nūvodā. Feimaņu pogostā sanuoksmis suokums reit 12 stuņdēs i Pušys pogostā divūs dīnā.

Nu šudiņdīnys leidz nuokušuo goda 23. janvaram Latgolys kultūrviesturis muzejā Latvejis muokslinīki varēs īsyuteit sovus dorbus – akvareļus izstuodei “Akvareļs. Akavarelists”, informē Latvejis muokslys akadēmejis Latgolys filiālis vadeituoja vītneica Daina Sproģe.